Lian Orluli— Formasaun Prátika aAsaun Komunidade Hijiéne no Saneamentu, ho tipu rua Aula no Prátika, ba komunidade sira iha suku Soro, Postu Ainaro atu komunidade sira bele iha mudansa ba hahalok hodi la bele soe foer bo’ot arbiru nune’e bele moris iha ambiente ne’ebe saudavel
“Ami nia prosesu formasaun ida ne’e hahu iha loron 18-27 fulan ida nee, formasaun ne’e fahe ba parte rua ida primeiru aula no segundu prátika iha komunidade foka liu ba planu asaun komunidade hijiéne no saneamentu atu implementa programa ho di’ak ha’u hanoin katak komunidade bele iha ona mudansa ba hahalok no la soe foer bo’ot arbiru iha rai luan no sira bele prátika fase lima ho sabaun hari’is kose nehan hodi nu’une abitua atu bele moris ho saudavel”. Hateten formador Cristiano Crispin Belo
Atividade prátika asaun komunidade hijiéne no saneamentu ne’e hanesan matadalan ida ba komunidade atu bele iha koiñesimentu hodi halo planu asaun aprezenta ba autoridade sira
“Objetivu ba atividade prátika treinu ne’e atu hetan planu no asaun husi komunidade rasik hodi nu’une sira bele ba ho xefe suku no lider natural sira apresenta fila fali sira nia planu asaun ba autoridade lokal no Munisípal sira iha loron 28-09-2023 sai hanesan planu asaun konkretu ida atu bele garante ba komunidade moris tuir ambiente di’ak no Moris tuir kondisaun ne’ebe ril iha komunidade ne’e rasik”. Hatutan nia
Marcelino Magno mos haktuir hanesan médiku fasilitador hodi fo koiñse komunidade atu nune bele moris iha ambiente ne’ebe mos
“komenta tan Ha’u mai hanesan falitador ida atu fahe fali formasaun ne’ebe ha’u hetan iha treinamentu ba komunidade suco Soro Aldeia Guer-udo kona ba hakarak aprende hamutuk ho komunidade oinsa sira bele moris iha saneamentu no Hijine iha sira nia Aldeia ne’e rasik, no Informasaun nebe’e mak ami hato’o ba sira no observasaun komunidade sira akompaiña ho diak no kontente ho informasaun nebe mak ami hato ba sira, sira mos simu no sei la (T‘) arbiru hanesan ai laran, mota laran, no sira iha kompromisiu ida mai ami iha fulan ruma mai ami sei mai vizit fila fali sira sei halo sentina”. médiku ne’e hakotu
Partisipasaun kompostu husi Postu Ha’at Ainaro, Hatu-Udo, Maubisse, Hato-Builico mak hanesan médiku, parteira, infermeira no reprezenta sentru saúde no saúde públiku no representante saúde Ambiental, kordenador promosaun saúde, kordenador saúde nafamilia no responsavel nutrisaun husi munisípiu no inklui mos departamentu jestaun programa Munisípiu Baucau no komunidade Suku Soro Ainaro munisípiu Ainaro
Jornalista : Fina
Editor : Lian Orluli
