Lian Orluli—Atual Xefe Suku Mau-Nuno lakoi re-kandidantu a’ab ba xefe suku iha periodu tuir mai maibe depende ba povu nia konfiansa tanba asumi ona responsabilidade durante periódo rua iha suku Mau-Nuno Ainaro
“Tuir hau nia hanoin hau lakoi kandidatu ona tanba hau periodu dala rua ona, mais depende povu, tanba ita ema ida de’it sei la kandidatu a’an iha ne’eba so povu mak sei kandidatu ita, se sira dehan para hau mos para gosta ou la gosta ne’e kestaun ketak ida maibe tanba ita moris iha suku no aldeia ida ne’e ita tenki responsabilidade iha moral ba ita nia rai rasik, ita la bele hanoin dehan tenki ba buka moris iha Díli maibe ita tenki hadomi ita nia rai ne’ebe ita moris fatin ba, tenki hadia moris iha rai ida ne’e ita nia obrigasaun moral dever moral atu bele hadia rai ida ne’e”. dehan Valente Ramos Bianco
Durantente mandatu suku Mau-Nuno dezenvolvimentu iha suku laran mínimu tebes tanba ponte no estrada ne’ebe bele fasilita transporte no lao ain sira tempu udan labele liu ho diak tanba kauza husi natureza
” Hau hanoin hau halo buat barak hau konta la hotu imi mos senti karik se imi hare’e ponte mak la iha atu halo dezenvolvimentu tantu eskola, be’e mos, ho tan infra-estrutura sira seluk tan, hanesan eletrisidade ida iha Suku balu uluk to’o agora mos seidauk iha maibe iha ita nian ne’e ita bele seidauk maximu maibe sustenta ita nia komunidade maske buat balu seidauk halo tanba ponte mos seidauk iha, estrada kauza husi natureza dalan ne’ebe ita hadia inundasaun rai halai no monu estragus fali tanba ida ne’e kauza natureza maibe ita responsabel ba iha estadu” xefe ne’e fundamenta
Alende ne’e Xefe hatutan se karik povu sira fo konfiansa mai hau prioridade liu ba setor balu ne’ebe sedauk desenvolve hanesan estrada no ponti
Nia subliña bainhira hetan konfiansa hikas husi komunidade suku Mau-Nuno sei tau prioridade liu ba infra-estrutura bázika iha suku laran
“Povu fo konfiansa ne’e ita tenki tur hamutuk, saida mak sei falta iha ita nia Suku ida ne’e agora prioridade ba suku Mau-Nuno mak ida ne’e, ponte ho estrada, tanba ita nia oan sira atu ba eskola mos ponte, moras ruma ita lori ba iha ne’eba udan liu ladiak ida ne’e mak hanesan difikuldade ba komunidade iha suku Mau- Nuno ida ne’e, se karik eleitu ita esforsu aan tanba dadaun ne ‘e iha 8⁰ governu hau konsege hato’o ona ba iha governu liu-liu ba Ministériu Obras Públiku tama ona planu parese ponte ida ne’e tama ona iha sistema maibe orsdamentu 2024 sei aprova iha 2024 ne’e bele implementa maibe data tama ona iha sistema ponti ne’e hau hato’o kedas iha 8⁰ gvernu liu ba”. nia subliña
nia kasu ba jornalista ema hotu iha direitu nebe hanesan maibe bainhira kandidatu foun ida mak eleitu nu’udar xefe suku Mau-Nuno tenki ema orinjen Suku laran
“kandidatu ema nudar sidadaun Mau-Nuno ema iha direiru ita bele dehan lei ne’e ema hotu-hotu iha direitu tantu feto ou mane nia iha direitu para bele kandidatu iha suku ida ne’e depende povu mak hili ita buat hotu-hotu povu, povu mak hili ita avalia povu mak sei halo eleisaun mai ita rasik la bele povu mak hili ita hein desizaun atu kandidatu hira mosu wainhira foti lista kandidatu depende sidadaun Mau-Nuno se mak hakarak tanba iha nia kriteria seluk la iha kriteria mak ne’e apoiu antes ida pursentu husi total eleitores ne’ebe mak iha suku ida ne’e” nia hakotu
Eleisaun suku sei akontese iha loro 28 fulan Outubro tinan ne’e iha terotoriu nasional inklui Munispiu Ainaro
ETJ: Hanya/Kribo/Elzy
Editor : Lian Orluli
