Lian Orluli– Atual xefe suku Manu-Tasi Manuela da Silva Caldas hararak re-kandidatu hodi halo servisu ba povu iha komunidade Manu-Tasi maibe depende ba komunidade nia konfiansa
“Ha’u kontinua re-kandidatu a’an nafatin iha suku Manu-Tasi durante tinan hitu ne’e ha’u labele hateten ha’u nia a’an, ha’u nia servisu povu mak bele hatene ida ne’e, ami kompete hamutuk ho maluk mane sira depois povu mak hare’e, iha ha’u nia mandatu hadia estrada rurál iha Aldeia ba Aldeia no mós programa PNDS no bé mós ami realiza ho susesu ona, ahi ami suku Manu-Tasi estabil, no ba’ut barak mak halo ona balu-balu mak se’i iha planu karik povu tau fiar nafatin ha’u se’i kontinua servisu karik la liu mós nafatin suporta malu iha saida deit, karik ami nain lima kandidatu ne’e maluk mane sira mak liu ha’u prontu atu nafatin servisu hamutuk no nafatin suporta malu“. nia kasu ba lian Otluli
“Sekarik povu Manu-tasi tau fiar nafatin ba hau servisu balu ne’ebe mak hau asina hela, balu se’i iha planu se’i hamutuk ho komunidade hodi halo kontinuasaun tanba sira nia hakarak, la’os ha’u mak foti desizaun katak ha’u halo ida ne’e, ita planu tenke foti desizaun hamutuk ho povu sira no povu nia hakarak ha’u prontu atu servi“. Nia hatutan
Nia mós enkoraja feto maluk sira bainhira atu kandidatu ka re-kandidatu labele falta semangat no fiar romoris oin-oin maibe nafatin kandidata atu liu ka la liu ne’e la’os kestaun
“Hau nia rekomendasaun ba governu no mós ba feto maluk sira hotu-hotu sekarik ita bo’ot sira rekandidatu hanesan ha’u ita labele falta semangat no labele rona isu-isu ruma iha liur ita labele rona teror sira nafatin kandidata deit ita atu menan ou la menan ne’e la problema ida ita tenke prense kritériu feto nian katak feto mós bele sai lideransa,” nia hakotu
Iha suku Manu Tasi kandidadura nain lima kompostu husi feto ida ne’ebe dadaun ne’e lidera suku ManuTasi
Eleisaun suku sei realiza iha loron 28 fulan Outubro tinan ne’e 2023 iha teritoriu timor laran inklui Munisípiu Ainaro
STJ:Hanya
Editor: Lian Orluli
