Lian Orluli—Relasiona ho loron Liberdade Imprensa ba dala 47 eis jornalista UNTAET destakatu Ainaro iha altura ne’ebá, atual diretor jestaun merkadoria Ainaro Clementino de Araújo kongratula no husu Jornalista sira nafatin aten brani hodi aprende didiak kona ba lalaok jornalista nian tanba la fasil atu sai hanesan jornalista ida hodi hatutan lian laek sira nia lian ba públiku
“parabens ba komunidade jornalista nafatin hatudu kualidade diak hato’o infomasaun bá públiku nafatin hakbesik ba komunidade area rural ho hato informasaun ho honestidade, anual, kredibel nafatin sai matan tilun ibun ba sira”. nia felisita
“Iha tinan 2001 hafoin Timor Leste independencia ona wainhira hetan intervista primeiru ho malae, tanba sa gosta jornalista ? R : Tanba gosta liu hato’o komunidade nia Lian”. Nia hasara
Nia Hatutan “Iha tempu UNTAET nian hau hetan rekrutamentu husi Governasun UNTAET asumi responsabilidade hanesan reported ba municipio Ainaro, iha tinan 2001 hodi partisipa iha tempu Asembelia konstrusaun konstituiante iha Timor leste ne’ebe diriji direitamente husi UNTAET, iha tempu neeba mak hau foin senti katak servicu jornalista laos buat nebe fasil,buat ida dificil, ita buka importante liu komunidade sira nia ejeinjesia sofrementu iha tempu ne’eba ita hodi informa ba ema hotu-hotu atu hatene liu-liu husi kanal media ida, ita hanesan jornalista dejafiu barak mak ita hasoru hanesan dezentendementu husi parte polítika no parte sosial ne’ebé la gosta ita iha momentu ne’ebé sofrementu ekonómia lia-fuan ida dehan katak”kecemburuan” sosial, hanoin katak ita servisu jornalista osan barak, maibe ita tenki ho ita nia karakter ne’ebé mak aten barani nafatin hasoru problema sira ne’e, no mos iha tempu neeba hasoru dejafius barak liu kompara ho tempu agora modernu no Teknologia, liu husi telefone, Ita bele hato ona informasaun, aktual no faktuais Sira. Iha tempu Ami nian laiha telefone Diak komputador, kameran. iha Ami Nia tempu uja ami nia matenek matan mak sai hanesan kamera no kakutak mak sai hanesan gravasaun hodi analiza no hakerek tuir saida mak ita hare iha ita halo reportajen ne’e maibé tenki hanesan ho akontesementu ne’ebé ita hare’e iha baze. Agor imi hanesan jornalista imi sei hasoru dezafiu tanba ne’e buat ida jornalista bazeia ba faktus tenki komprende 5W 1H imi tenki kuda metin atu nune’e bele fortefika imi nia notisia ne’ebé mk imi públika, Jornalista nia kilat mak liafuan imi tenki aprende jornalista lapresija matenek liu maibe presija hanoin, hare tenki iha prinsipiu hakerek notisia para defende argumentu Ho los “. nia konta
Nune’e nia husu jornalista jerasaun foun sira atu aprende didiak no la bele halís bá kór polítiku, nafatin maduru hodi hatutan informasaun balansu ho lolos kredivel,faktuais bá públiku
“Ba komunidade Jornalista jerasaun foun ne’ebé foin aprende jornalista buka tuir lia lós iha komunidade nia le’et hato’o infomasaun ne’ebé honestu saida mak komunidade infrenta ba, jornalista sira labele halis ba partidu no kor ne’ebé de’it nafatin kualifika a’an atu sai jornalista ne’ebé maduru hodi hato’o lialos ba komunidade area rural nian ba públiku ihi loron liberdade impressa ida ne’e ema hotu iha liberdade espresa nia hanoin husi média, atu sai jornalista presija talentu kreativu hodi buka lia los no hato’o ho lia los”. nia hakotu
EST: Finha/Hanya /Elzy
Editor: Lian Orluli
