Lia Orluli—Ministeriu Agrikultura Pekuária no Peskas Floresta (MAPPF) Rofino Soares Amaral Gusmão hateten valoriza feto rural tanba sira kontribui makas iha produsaun aihan lokal hodi fo moris ba povu
“Feto rural ne’e oinsa ita valoriza feto nia servisu, liu-liu ba setor hotu-hotu agrikultura ne’ebé agora daudaun ita nia feto maluk sira kontribui makas ba prossesu dezenvolvimentu nasionál ida ne’e, objetivu ne’ebe valoriza, liu-liu ita nia parseiru feto sira ita hakarak povu bele Moris diak husi ai-han lokal sira”. dehan governante ne’e
Tanba ne’e nia husu komunidade sira labele depende bebe’ik ba ai’han inportasaun sira esforsu a’an hodi bele hasa’e produsaun lokal atu bele apoiu ba ai-ha’an ba nasionál
“Mensajen ikus ba populasaun ba komunidade sira katak labele depende bebeik ba han sira, husu para esforsu a’an liu-liu joven sira , para oinsa implemeta setor agrikultura ita bele hasa’e produtu atu nune’e bele apoiu ba ai-ha’an nasionál, serake lao hanesan ne’e nafatin deit ita hamlaha iha rai bokur nia leten prezisa esforsu a’an servisu ho diak” nia enkoraja
Administrador Munisípiu Ainaro Leovigildo Amaral Pereira kontinua motiva maluk feto sira atu promove sira nia produtu lokal iha futuru liu-liu iha ita nia Munisípiu Ainaro, no nia husu atu bele promove produtu sira iha komemorasaun loron bo’ot sira
“Wainhira fo motivasaun atu promove sira nia produtu lokal iha futuru liu-liu iha ita nia Munisípiu Ainaro, ha’u hakarak kada fulan selebra dala Ida iha Munisípiu no mós iha postu ha’at, selebra hotu ai-han lokal bele konsumu liu ita Produtu lokal Sira Mak Ita Nia identidade, ai-han ne’ebé suporta husi rai liur ladun diak, maibe ita promove diak liu produtu lokal sira iha Postu no Munisipiu liu-liu Munisípiu bele reprezenta iha nasionál, ha’u hakarak informa ba iban feton sira liu-liu feto sira ho 26 ou 27, sira bele halo kreatidade liu Hudi sira nian produtu lokal,liu- liu iha komomora loron indepedensi 2023 iha Munisípiu Ainaro, ha’u hakarak prova sira, karik prontu atu halo feira ida ne’e ba loron nasionál atu konvida memberu guvernu balu ne’ebé mai responsavel isar bandeira iha Munisípiu ayu nune’e sira moós bele koko Ai-han lokal Munisipiu Ainaro,” nia hakotu
STJ: Nynha, Marcia
Editor: Lían Orluli
