Lian Orluli—Manorin eskola ensinu báziku filiál Mau-Nuno Joanina B.da Costa senti urguillu tanba eskola filiál Mau-Nuno antes ne’e sentraliza de’it maibé tinan ne’e estudante sira bele tuir ezame nasionál iha de’it EBF Mau-Nuno
“Nu’udar manorin husi eskola ida ne’e ha’u urguillu tebes durante tinan barak ona ami nia filiál sempre ba ezame iha central EBC Ceulau maibe tinan ida ne’e ami nia filial mós bele hetan realizasaun ezame nasionál iha ami nia filiál rasik” dehan Joanina
“Hau agadese ba guvernu tanba primeira véz realiza ezame nasionál iha ami nia eskola EBF 123 Martinho de Araujo Mau-Nuno no agradese mós ba ministériu edukasaun liu husi ita bo’ot sira nia apoiu tomak bele realiza ezame ida ne’e la’o ho diak” nia agradese
Sentimentu ne’ebé hanesan hato’o mós husi Diretor Eskola Ensinu Báziku Filiál 1⁰, 2⁰, 3⁰ Martinho de Araújo Mau-Nuno, Agustinho Lopes agradese ba Ministériu Edukasaun tanba tinan ne’e bele realiza ezame nasionál EBF Mau-Nuno.
“Ami agradese nai ulun sira liu-liu bá Ministériu Edukasaun primeira marka ístória foun ida iha Mau-Nuno katak tinan ida ne’e foin primeira véz realiza ezame nasionál”. Haktuir diretor ne’e
Total estudante iha Eskola Ensinu Báziku Filiál 123 Martinho de Araujo Mau-nuno hamuuk 40 mak tuir ezame nasionál, manorin hamutuk 39 kompostu husi permanente hitu kontratadu 18 no voluntariu 14
STJ: Hanya
Editor: Lían Orluli
