Lian Orluli–Dau-daun ne’e iha eskola Ensinu Báziku Filiál Mau-Nuno Ainaro estudante no manorin sira haksolok tebes tanbá ho esforsu, tinan ne’e estudante sira la tuir ona ezame nasonál iha ensinu báziku sentral
Tanba ne’e Manorin Joanina B.da Costa urguillu tebes eskola ida ne’e bele realiza ona ezame nasional maibe husu governu atu hadia tan eskola ne’e no aumenta sala ba biblioteka hodi labele dikulta estudante sira
“Ha’u hakarak husu ba governu oinsa ami nia eskola ida ne’e bele hari’i tan liu-liu ami nia biblioteka tanba laiha fatin ami atu tau livru sira dalaruma ami rai hamutuk iha sala profesor sira nia fatin tanba ida ne’e hanesan menus los ba ami no ami nia estudante sira tanba dalaruma ami atu estuda ladun diak mai ami“. Manorin ne’e husu
Nune’e mós manorin ne’e husu atu fasilita material desportu ba eskola refere atu labele difikulta estudante sira bá prátika desportu nian
“Ha’u husu ba governu implementa tan atu hadia iha ami nia eskola mak
Primeiru liu husi ami nia materia nian materia desportu tenke presisa bola, mane sira tanba bola ne’e mai ami mane sente importante tebes barak mak fens bola no ba kolega feto sira foleiboll, foleiboll mós tenke presiza bola tanba wainhira ami tun ba pratika sasan la kompletu entaun ami batal tia prátika ami kontinua ho materia no presisa liu mak aumenta ami nia biblioteka.” Nia hatutan
Alende ne’e Diretor Eskola Ensinu Báziku Filiál Mau-nuno Agostinho Lopes mós triste tanba la iha sala ba manorin sira no sala ba biblioteka
“Estudante ba ano eskolar 2023 finalista hamutuk 40 mane 23 feto 17 kada sala ida 20 sala primeiru mane 13 feto 7 no sala segundo mane 10 feto 10
Difikuldade mai ami biblioteka mós laiha fatin profesore sira atu enkontru sala mós laiha ami sente triste” deha diretor ne’e
Nia mos husu Edukasaun tau atu bele hadia eskola paralelo Duga-Hau atu bele sai hanesan Eskola Sentral
“Tinan oin mai inagura tan eskola ida ne’e nia fasilidade,no presisa saida bele responde tuir necessidade, eskola ida presisa husu mos ba Ministerio Kompetensia ninia Edukasaun bele hadia eskola paralelo ida iha Duga-hau ne’e para bele dadus sedu atu hetan nomor Emis nune’e bele tama iha kategoria ou kriteria ida atu hamrik ona hanesan E B C Encinu Basico Central ida iha mota sorin”. Nia hakotu
Maske eskola ne’e menus sala aula hodi difikulta estudante no profesor sira maibe tinan ne’e estudante 40 bele tuir deit ezame nasionál iha eskola refere no la ba tuir iha sentral ,Total hamutuk 39 kompostu husi permanente hitu kontratadu 18 no voluntariu 14
STJ: Hanya
Editor: Lian Orluli
