Lian Orluli— Eleisaun Lideransa komunitaria ne’ebé realija iha loron 28 Novenbru tinan ne’e, Eleitor sira ejerse ona votu no konfiansa ba xefe suku na’in 5 ho votu absoluta iha munisípiu Ainaro no kandidatu xefe suku na’in 16 hakat ba eleisaun segunda volta
Lia hirak ne’e Diretúr STAE munisípiu Ainaro Francisco Bianco hato’o ba lian orluli iha nia knar fatin, total kandidatu xefe suku iha munisípiu Ainaro hamutuk na’in atus ida tolu nulu resin neen (136), kompostu mane atus ida sanulu resin neen (116) no feto iha na’in sia (9).
Kandidatu suku sira ne’e mai husi suku rua nulu resin ida(21) iha postu Administrasaun Maubessi, Hato-builico, Hato-udo, Ainaro no Aldeia, total atus ida tolu nulu resin ida(131)
Kandidatu xefe suku ne’ebé eleitor sira fó ona votu konfiansa iha primeiru ronde mak hanesan xefe suku Maubessi villa, xefe suku Edi, suku Liurai, suku Maulau, suku Suru-kraik.
“kandidatu xefe suku nain 5 maka hetan ona votus komfiansa, maibe’e sanulu resin nen(16) hakat ba eleisaun segunda volta ne’ebé sei akontese iha loron sanulu resin tolu fulan novembru tinan ne’e,” Diretúr STAE munisípiu Ainaro Francisco Bianco, hatete iha nia kanar fatin,(30/10/23).
Entertantu iha munisípiu Ainaro kandidatu xefe Aldeia ne’ebé aprezenta sira ninia kandidatura ba iha prezidente meja hodi kompete iha eleisaun ba xefe Aldeia foin lalais ho total kandidatura atus haat neen nulu resin haat (464), husi numeru refere eleitor sira fó votu konfiansa ba xefe Aldeia hamutuk atus ida tolu nulu resin ida(131) hodi servisu no tau matan ba povu.
“Apela ba Eleitor sira atu partisipa nafatin iha eleisaun suku segunda volta hodi hili kandidatura xefe suku tolu nulu resin rua (32)ne’ebé sei eleitu ba suku sanulu resin neen(16)”, nia hakotu
Editor : Lian Orluli
