Lian Orluli–Hermenegildo Soares do Rozario hateten, eleisaun suku horseik difikulta eleitor sira tanba kandidatura Lideransa Aldeia no delegada nia naran hakerek ho liman no fotografia la iha buletin votus halo eleitor sira la deside direitu ho los ba kandidatu ne’ebé komunidade tau fiar
“lha eleisaun Suku ba tinan 2023 mosu komplikadu bo’ot ba eleitor sira atu fó konfiansa ba kandidatu ne’ebé mak sira tau fiar, tanba iha buletin votus delegada, delegadu no xefe do Aldeia la iha foto no tékniku sira uza liman mak hakerek Kandidatura sira nia naran iha Boletin Votus halo komunidade deside lideransa la tuir sira hakarak, tanba eleisaun suku utiliza liu manuel hakerek kandidatu nia naran ho liman no ha’a tempu latuir regra husi STAE, Tanba ne’e ha’u husu ba Ministerio Estatal hadia buletin Votus iha Eleisaun xefe suku segundu ronde no diak liu eleisaun halo tuir eleisaun Parlamentar no prezidensial atu nune’e labele kumplikadu ba iha eleisaun no fasil ba eleitores atu hili sira nia lideransa diak ida, sai mos hanesan figura ne’ebe mak diak ’’. Dehan kadidatura ne’e
Administrador Posto Administrativo Ainaro Nazario de Araujo komenta maioria komunidade lamenta maibe ne’e lei tanba antes ne’e husi Ministeriu Estatal ho Tékniku apoiu eleitoral inklui CNE halo ona Formasaun ba Eleitor sira kona ba buletin votus
“Maioria komunidade lamenta ho buletin Votus, no antes eleisaun iha ona formasaun ba nivel posto no husi parte STAE no CNE fó ona formasaun ba komunidade kona ba delegada, delegado, xefe suku sira kona ba buletin votus, delegada, delegado xefe suku bazeia ba lei ’’ dehan Administrador Postu Ainaro Nazario de Araújo
Enkuantu suku ne’en iha Postu Administrativu Ainaro, kompostu husi kandidatura sanulu resin rua, sei tama eleisaun segunda ronde iha loron 13 Novembro tinan ne’e.
Editor : Lian Orluli
