Lian orluli – Iha Suku Suru Craic postu Administrativu Ainaro Munisipiu Ainaro, Povu nafatin fó Konfiansa dala ida tan ba Ronaldo Soares hodi lidera Suku Suro-Craic ba tinan hitu tuir mai hodi tau matan ba komunidade nia preokupasaun liu-liu infra-estrutura bázika sira
‘‘ Ha’u eleitu dala ida tan hanesan xefe suku Suro-Craic, tanba komfiansa, tanba ne’e sei hare liu ba programa sira ne’ebé mak seidauk implementa iha suku mak hanesan hadia estrada, hari’i eskola iha aldeia Nó-ulo, tanba estudante sira hela do’ok husi eskola no hari’i kliníka iha suku atu nune’e Enfermeiru ho doutora sira bele fo atendementu ba komunidade iha suku ne’e bainhira moras ho urjenti liu-liu ba iha Idozos, ema ho difisensia, inan isin rua, Plano sira ne’e ona hein deit, tempu badak hodi implementa iha futuro, no ha’u husu ba komunidade, joventude atu servisu hamutuk ho ami estrutura suku tanba ami mesak sei labele ho imi ita hamutuk halo dezenvolvimentu ba ita nia suku diak liu tan durante mandatu iha tinan 2023 to’o 2030 .’’ dehan xefe suku eleitu Ronaldo soares
Iha okajiaun hanesan Komunidade suku Suro-craik Helena da Silva kontenti tanba eleitor sira nafatin fó konfiansa ba xefe suku sesante durante tinan hitu nia laran hodi dezenvolve diak liu suku laran iha Futuru
‘’ Ha’u senti kontenti no orguillu tanba xefe suku sesante bele eleitu tan ba dala ida iha eleisaun orgaun suku tinan 2023, tanba durante nia mandatu tinan hitu ba kotuk halo ona dezenvolvimentu ba suku Suro-Craic mak hanesan dada Bé mos, Elettrisidade no balun seidauk halo dezenvolvimentu tanba ne’e ami nafatin fo konfiansa atu nune’e bele halo dezenvolvimentu diak liu tan iha futuru liu-liu ba eskola, sentru saúde ba Doutora no enfermeiru sira, estrada tanba agora dadaun iha Suku Suro-craik sei a’at’’. Dehan helena
Enkuantu eleisaun orgaun Suku iha Suro Craic postu administrativu Ainaro Munisipiu Ainaro kompetetor nain ha’at maibe povu nafatin fo konfiansa ba xefe suku sesante Ronaldo soares manan maioria absoluta ho total votus 617 hodi lidera suku durante tinan hitu mai.
STJ : Nynha/Marcia
Editor : Lian Orluli
