Lian Oluli— Prezidente Interina Administrasaun Munisipiu Ainaro, Olga Maria Mendonça husu ba komunidade iha munisipiu Ainaro atu hasa’e bandeira iha uma oin no halo lompeza iha kada bairo, hodi komemora loron proklamasun Unilateral ba dala 48.
“Husu ba komunidade sira hotu, relasiona ho loron komemorasaun 28 de novembru ne’ebé sei selebra iha fulan ne’e, husu atu sidadun idak-idak ho konsiensia hasaé bandeira iha uma oin, inklui halo limpeza iha kada baro hodi komemora loron proklamasaun unilateral,iha ita nia munisipiu Ainaro,”Dehan Prezidenti Interina Autoridade Munisipiu Ainaro Olga Maria Mendonça ba jornalista iha ambitu perezide reuniaun hodi forma komisaun organizadóra ba komemorasaun loron proklamasaun unilateral iha Ainaro.
Alénde ne’e, relasiona ho akontesementu fain lalais iha munisipiu Ainaro rejulta fasilidade públiku hanesan fatin ATM BNCTL, Postu Policia hetan estragus no uma sidadun ida hetan tuda husi grupu Joven sira iha loron 10 fulan ne’e, autoridade ne’e husu sidadaun sira atu kontribui ba páz no harmónia iha munisípio Ainaro, nune’e ema hotu bele lao ho livre hodi ejerse atividade loron-loron nian.
“ Hau preokupa ho akontesementu ida foin lalais iha Ainaro vila ne’ebé involve joven sira tuda rahun fasilidade estadu nia balu, inklui estragus komunidade nia uma iha Ainaro vila, tanba ne’e hau husu ba sidadaun sira atu kontribui ba páz no estabilidade iha rai ida ne’e,” prezidente interina ne’e hakotu
Entertantu tuir observasaun lian Orluli iha terenu, komunidade sira hahu ona hasaé bandeira iha uma oin no dada banderolas iha kada loza idak-idak nian, hodi hein komemorasaun loron proklamasaun unilateral ba dala 48 iha munisipiu Ainaro, alénde ne’e sei fo mos posse ba xefe suku 21 ne’ebé eleitu ona.
Editór: Lian Orluli
