Lian Orluli-6/04/2022- Sentru Saúde (SS) Ainaro rejista feto ne’ebe kaben sedu ho idade minoridade hamutuk 4%, hahu husi tinan 2019-2022.
Hahú iha fulan Janeiru to’o fulan Marsu tinan ne’e Sentru saúde Ainaro, Iha Ainaro Villa rejista ema na’in 12 ho idade 19 mai karaik ne’ebe kaben sedu.
“Hahú iha fulan Janeiru to’o Marsu tinan 2022 ne’e Sentru saúde Ainaro rejista feto sira ne’ebé kaben sedu husi tinan 19 mai kraik hamotuk 12 ona”, esplika responsavel formasaun sentru Saúde Ainaro, Celeste Sarmento Dos Reis
Enkuantu iha tinan 2019, sentru Saúde rejista feto ho idade minoridade kaben sedu hamutuk 50 no iha tinan 2020 rejista ema 37 no tinan 2021 rejista ema 31.
“ Alin feto sira ne’ebe mak kaben sedu ho idade ne’ebe minoridade rejistu iha tinan 2019 to 2022 Ainaro tama iha 4% ona, ita rejistu hahu husi 2019 hamotuk ema nain 50, iha tinan 2020 ema nain 37, 2021 total ema nain 31”. Nia dehan
ONG sira mós fó ona formasaun ba inan no aman sira nomos mestri mestra atu kapasita liu tan konhesemento liu-liu iha area Reproduktiva wainhira nia impaktu husi kaben sedu, maibe numeru kaben sedu sei nafatin As.
“ liu husi NGO sira fahe mos informasaun liu husi formasaun sira hanesan Saude reproduktiva atu nune’e bele kapasita inan aman no oan sira maibe realidade agora situasaun hatudu diferente los katak numeru kaben sedu aumenta aas, iha sentru saude Ainaro foin fulan tolu rejista ona 12, no lahatene fulan oin mai rejistu tan hira?”. Nia hatutan
Enkuantu hare ba situasaun sira ne’e xefe ekipa responsavel formasaun sentru saude Munisipu Ainaro sei nafatin servisu makas liu tan hodi desamina informasaun saude reproduktiva ba Suku No Aldeia, atu nune’e bele hamenus iha risku sira hanesan kaben sedu ho idade Menoridade.
Editor : Lian Orluli
