Lian Orluli—Dadus ne’e fo sai husi Diretor Finansas Ruivo Barros Magno iha Ainaro hodi halo selebrasaun loron 28 novembru no seremonia fo pose ba lideransa komunitária foun sira iha Munisipiu Ainaro.
“Husi orsamentu refere sei koloka tuir postu administrativu haat iha Postu Administrativu Ainaro $2175, Maubessi $3700, Hatao-builico $1900, Hato-udo $1600,” Diretur Finansas Munisípiu Ainaro Ruivo Barros Magno, hatete ba jornalista hafoin remata reuniaun forma komisaun ba loron 28 novembru iha salun enkontru administrasaun Munisipiu Ainaro
Iha okaziaun hanesan Sekretária munisípiu Ainaro atuàl prezidente interina Rosa Olga Mendonça, husu ba Funsionáriu sira atu partisipa masimu durante selebrasauna loron nasionàl 28 novembru no fo posse ba lideransa komunitària eleitu iha primeira volta no segunda volta hamutuk 21
“Husu ba Funsionáriu linhas Ministeriais sira hotu atu partisipa màsimu iha komemorasaun loron proklamasaun da independensia ida ne’e,no laiha funsionariu ida maka falta, to atividades remata” Sekretária munisípiu Ainaro Rosa Olga Mendonça hateten hafoin ensera reuniaun forma komisaun organizadra
Alende ne’e iha mos seremonia adisional sei hala’o iha loron 28 fulan novembru tinan ne’e, mak sei iha atribuisaun medalha kondekorasaun ba veteranus 190 husi governu ne’ebé tuir planu sei atribui husi Ministru Asuntus Kombatentes Libertasaun Nasional Gil da Costa Monteiru “Oan Soru”
ESTJ: Elzy
Editór : Lian Orluli
