Lian Orluli—Segundu Komandante Polisia Nasinàl Timor leste Munisípiu Ainaro Superentendente Asistente, Mario Vitór da Costa hatete, Konstituisaun Repùblika DemokràtikaTimor-Leste iha Artigu 147 fo kbi’it ba PNTL garantia seguransa ba komemorasaun 28 de Novembro iha Munisìpio Ainaro
“Polisia Nasional Timor-Leste Komandu PNTL Munisipio Ainaro prontu garantia seguransa iha selebrasaun 28 de Novembru, loron proklamasaun ba independensia RDTL, hanesan ajente seguransa iha Munusipio Ainaro nafatin fo garante siguransa atu povu hotu-hotu bele komemora loron proklamasaun ho diak, nomos sira bele sente katak nain ba Nasaun RDT ida ne’e”.Dehan Sugundo Komandante PNTL Ainaro, Màrio Vitòr
Segundu Komandante PNTL ne’e hatutan tan, PNTL halo koperasaun mutua ho Presidente Autoridade Munisipio, no halo koperasaun ba parte hotu-hotu hodi hatene istoria loron Proklamasaun 28 de Novembro. no apela ba komunidade no joven sira hotu, hamotuk kria estabilidade atu nune’e ba oin Munisipio Ainaro bele hetan dezenvolvimentu ne’ebe diak, tanba ita iha objetivu ida deit, hakribi violensia, hakarak Dezenvolvimentu mak lao iha Munisipio Ainaro.
Alende ne’e Komandante PNTL Eskuadra Maubisse Afosu Brandão Silva Mota dehan, iha Postu Administrasaun Maubisse sei realija missa Agradesementu ba sefe suku nain 9, Tanba ne’e, PNTL Postu Maubisse sei asegura siguransa masimu iha missa to serimonia loron proklamasaun remata
“Loron 26 sei hala’o seguransa ba igreja hodi selebra missa ba loron kristu Nai Liu-rai, 27 sei hala’o seguransa igreja, missa sai sei lori ai-funan ba tau iha simitèru Maubisse villa, Loron 28 de novembro sei iha siguransa masimu to’o remata. Ha’u Grante ba Postu Administrativu Maubisse sei la iha problema maiske PNTL hamutuk 17, husi numeru refere feto 1, bele koloka iha fatin centru sira, hodi kontrola transporte sira ne’ebé maka sei halo movimentu iha loron isar bandeira 28 de novembro nian, tanba ne’e PNTL Maubisse sei halo koperasaun diak tebes ho autoridade sira hotu iha igreja bele livre no iha pùbliku, Livre husi problema Arte marciais no rituais sira hotu,” Komandante Eskuadra Maubisse dehan
Komandante eskuadra Postu Maubisse ne’e apela ba komunidade sira atu kopera ho parte autoridade siguransa no bele garante sguransa iha selebrasaun loron proklamasaun ba dala 48 ne’e ho diak.
Enkuantu total membru PNTL Munisipiu Ainaro hamotuk 105, ne’ebé kolokadu iha eskuadra Maubise, Hato-bulico, Hato-udu, inklui Ainaro.
STJ: Joanina Da Lús/Hanya
Editor : Lian Orluli
