Lian Orluli— Komandante Tranzitu PNTL Munisipiu Ainaro, Sarjentu Xefe Marito Coelho haktuir, kronologia husi akontesementu asidente trafegu ne’e kauza husi tirot kareta parte liman karuk rezulta volante deskontroladu, nune’e segundu komandante esquadra Hato-Builico hodi hetan asidente maibe la hetan kanek ruma
“Tuir kronolojia akontesementu katak kalan ne’e segundu Komandante Mensionadu hala’o servisu iha Dare hamutuk ho membru PNTL balun kontrola situasaun iha Dare Mauchiga Suku Nuno-mogue, Aldeia Leotelo I no II no asegura misa ho membru sira iha Posto, iha dadersan tuku 07:00, Sai husi Posto Dare hodi mai iha nia hela fatin suku Manutasi, maibe to’o iha Hatumerafu teki-teki kondisaun kareta nia tirot parte liman karuk naklosu sai, tanba ne’e volante deskontroladu kareta halai ba iha liman karuk hodi soke parede dalan ninin parte liman karuk nunee halai ses iha estrada aspal, tama ba iha kafe-laran nune’e rejulta Kareta halis. Husi akontesementu ne’e la rezulta ema ruma mate no kanek tanba iha kareta laran Segundu Komandante PNTL Eskuadra Hato-Builico Mesak“. Komandante Tranzitu PNTL Munisípio Ainaro Sarjento Xefe Marito Coelho dehan iha Nia knaar fatin, Tersa ne’e (02/01/2024)
Iha akontesemento Asidente tráfegu iha area Hamerafu suku Manutasi Posto Administrativo Ainaro, husi asidente ne’e la rejulta ema kanek no lakon vida
Nune’e xefe trázjitu ne’e hatutan tan durante iha iha tempu ferias Natál to Anu-novu ekipa tránzitu la rejista asidente tráfegu maibe’e hafoin tama ba tinan foun Janeiru 2024 foin rejista asidente trafegu kaman rua
“ Durante iha tempu ferias Natál no anu-novu ita la rejista asidente ruma, maibe’e depois de tinan foun loro primeiru Fulan Janeiru tinan 2024, iha sidente Tráfegu 2 maka Membru Polisía ida hetan Asidente no mos Motorijada ida husi Suai atu ba Dili hetan Soke iha Area Bolbeta Ainaro”. Xefe Tránzitu ne’e hakotu
Enkuantu kareta Polisia ne’ebe hetan asidente, ekipa Bombeiru dada sai ona husi fatin akontesementu
Jornalista : Lian Orluli
Editor : Lian Orluli
