Lian orluli— Ministru Administrasaun Estatal Tomás Cabral fó posse ba Prezidente Autoridade Munisípiu Ainaro no Administradór postu haat inklui kargu Dirijente Servisu Munisipal, Iha Munisípiu Ainaro
Georgina Carmo Bucar Corte-Real Simu Posse nudár Prezidente Autoridade Munisípiu Ainaro no Administrador Postu Ainaro, Maubessi, Hato-Builico, Hato-udo inklui kargu Diretúres Servisus Munisipáil no Liñas Ministeriál iha Munisípiu Ainaro
Iha Okajiaun ne’e Ministru Administrasaun Estatal Tomas Cabral hateten, antes ne’e Prezidente Autoridade Munisípiu iha Munisípiu Díli, Baucau, Bobonaro, no Ermera, maibé iha nunu Governu marka tan istória ida estabelese Prezidente Autoridade Munisípiu iha Ainaro no sei kontinua ba iha Munisípiu sanulu resin rua seluk tan
“Intensaun estabelese prezidente autoridade munisípiu hotu atu bele kumpri planu estratejiku 2011 ba 2030,” Ministru MAE hatete iha Diskursu hafoin fo posse ba PA Georgina
Governante ne’e husu ba emposada sira atu servisu hamutuk hodi Dezenvolve Munisípiu Ainaro
Nune’e Prezidente Autoridade Munisípiu Ainaro Georgina Carmo Bucar Corte-Real kompromete sei hala’o nia kna’ar ho responsavilidade tuir lei konstituisaun RDTL no sei servisu hamutuk ho kamada hotu hodi dezenvolve Munisípiu Ainaro
“ Hau prontu simu krítikas hotu husi sosiedade ne’ebé konstrutivu hodi bele hetan estratéjia ida ne’ebé diak ba prosesu ezekusaun orsamentu liña sektorais iha Munisípiu Ainaro 2024,” PA Munisípiu Ainaro Georgina Carmo Bucar Corte-Real, Promete
Iha fati hanesan Autoridade munsipiu Ainaro Sesante Leovigildo Amaral Pereira lori povu iha munisípiu Ainaro hamutuk rihun hitu nulu resin tolu, ne’ebé iha iha suku 21 no aldeia atus ida tolu nulu resin ida (131) hato’o parabens ba nunu Governu tanba nomea ona prezidente autoridade munisípiu Ainaro foun, ohin bele simu posse, tamba ne’e autoridade sesante konvida ema hotu atu servisu hamutuk ho prezidente autoridade atu bele dezenvolve Ainaro
“ Aproveita oportunidade ida ne’e hato’o parabens ba Prezidente Aiutoridade foun no hau husu servisu hamotuk hodi hadia dejenvolvimentu ba rai Ainaro,” PA sesante Leovegoldo Amaral Pereira, hatete
Hafoin posse, Ministru MAE prega imblema ba iha Prezidente Autoridade no Administradór postu sira, intrega Partemonia Servisu Estadu nian, hanesan Karimbu no Xave Kareta, ba Prezidente Autoridade Georgina Bucar Corte-Real
Iha Serimonia Tomada de posse ne’e marka prezensa husi membru Governo, Vise Ministru Administrasaun ESTATAL Jacinto Rigoberto de Deus, Sekretáriu Estadu Dezenvolvimentu Lokál, Sekretáriu Estadu Asuntus Toponomia Organizaun Urbana Germano Santa Brites Dias, Segundu Komandante PNTL munisípiu Ainaro, APC Munisípiu Ainaro, Parde Paróku ho vigario, no Madre Canosiana Ainaro, Prezidente Assuntu Veteranos no funsináriu Liñas ministériais sira
Jornalista : Lian Orluli
Editór : Lian Orluli
