Lia-Orluli— Diretora ezekutiva Hospital Referrál Maubisse Dra. Gabriela, servisu ho funsionáriu limitadu maibe atendementu ba Pasiente sira lao hanesan baibain.
Asuntu ne’e hato’o husi Responsabel Hospital Referrál Maubisse baihira Jornalista tenta intervista konaba paisente hira mak baixa iha Hospital Referral Maubisse
“Sala baixa sira menus pasiente agora dadauk iha internamentu ne’e iha pasiente tolu deit no iha sala maternidade maka iha pasiente lima, maske pasiente menus maibe servisu sira iha Hospital referral Maubisse lao hanesan bai-bain, konaba pessoal saude sira kontratadu regular ne’e kontinua halo hela sira nia knár hodi hein sira nia Kontratu. Tamba ne’e, maske ho ema limitadu hanesan foin dadauk ne’e balu nia kontratu remata tia, maibe ita iha fali informasaun katak regular sira kuntinua”, Relata Diretora Hospitál Referral Maubisse.via telefone
Responsavel Hospitál referral Maubisse ne’e hatutan tan, fornesementu Aimoruk ne’ebé oras ne’e dadaun iha Hospital Referral Maubisse hein husi SAMES Ainaro maske Aimoruk balun stoke Out miabe pasiensia hodi hein
“Aimoruk balun iha atu atende nafatin pasiente iha aimoruk balun maka Stok out husi SAMES entaun ne’e ami tenki hein. Maibe ba atendementu sira lao hela hanesan babain no ita nia pasiente balun mós baixa, ita fó hela Aimoruk tuir sira nia presija so iha sala operasaun maka aimoruk balun laiha entaun pasiente balun ita tenki rujuk ba iha Hospitál Nasionál Guido Valadares Dili.” Hatutan Direjenta másimu Hospitál Referral Maubisse.
Alem de ne’e totál Funsionariu ne’ebé oras ne’e dadaun haknár-an iha Hospital Referral Maubisse permanente hamutuk 97 pessoas, kompostu husi rejimi espesial ho rejimi jerál, inklui ho Funsionariu Kontratadu regular iha nain 16, totál 113 pessoas no Funsionariu Kontratadu maka hein hela prosesu ekstensaun atu kuntinua hikas sira nia servisu hamutuk 24.
“Funsionariu permanente ita iha 97 pesoas ne’e inklui ona rejimi rua, rejimi espesial ho rejimi jerál. Depois ita kontratu regular ne’e hamutuk 16 pesoas ne’ebé totál 113. Iha 24 pesoas maka sei hein hela prosesu karik ita aumenta tan ida ne’e ba hamutuk 119 pesoas, karik sira fila fali mai para kuntinua sira nia servisu” Hakotu Direktora Ezekutiva ne’e
STj : Reny/Hanya/Elzy
Editor : Lian Orluli
