Lian Orluli— Avo Madalena Maria Sousa, idade tinan 78 husi Suku Maulau Postu Administrativu Maubisse, Munisípiu Ainaro ho idade ne’ebé avansadu la teri netik nia hodi kuntinua buka moris liu husi dalan negosiu iha merkadu, ne’ebé nakonu ho esperansa hodi hein nia produtu, dalaruma obrigadu tenki toba iha merkadu laran.
” Ha’u mai fa’an sasan ne’e, iha domingu tó agora hau toba deit iha Merkadu no meiudia dalaruma hau sosa nasi bungkus no dalaruma joven sira mak sosa hela dosi fo hau hodi han iha oras meiudia. sasan sira ne’ebé ha’u fa’an sosa tutan husi Same maka hanesan, Ainanas, lís mean mutin, fore keli ho folin ki’ik Centavos 50 inklui sasan ne’ebé mak hau fa’an ho folin hanesan”, Tenik Avo Madalena 23/01/2024.
Husi Sorin Seluk mós Avo Madalena hato’o nia sentimentu ho senti laran susar wainhira Produtu hirak ne’ebé maka nia fán dala ruma la hetan osan tanba la sosa husi komprador sira iha Merkadu Maubisse.
Ho sentimentu ne’ebé a’as avo Madalena lakohi nia moris sadere ba nia oan maiske hetan bando ona husi familia
Toba fatin Avo Madalena wainhira iha tempu Kalan
“Hau sente triste tebes se wainhira ema la sosa sasan ne’ebé mak hau fa’an ne’e, ha’u nia oan la hatan ha’u fa’an produtu sira, maibé ha’u rasik mak hakarak dunik tanba ita la fa’an iha uma mos hanesan deit sente ladun di’ak tamba ne’e maske ho idade ne’ebé ba dadaun ona hau nafatin mai faan sasan”, Hateten Negosiante ne’e.
Nune’e avo Madalena haktuir tan“Hau nia katuas oan mate tiha ona iha 1.975, oan ida deit hau agora hela ho oan mane ne’e, nia ferik oan ema Aileu liquid-Doe, durante ne’e hau ba hela ho nia no Bei-Oan sira,maibe’e hau lakohi ekomoda hau nia oan sira” Klareja Inan Faluk ne’e Iha Merkadu Maubisse.
Tanba lakohi enkomoda nia ona, avo Madalena hili merkadu Maubisse sai fatin ba hatutan Moris, dalaruma toba deit iha merkado hodi hein nia produtu sira wainhira kompradór sira sedauk sosa, bele kalan inan faluk ne’e nafatin tur lori hein nia produtu sira.
Avo Madalena haktuir, hetan ona osan idujus nian dala ida, maibe’e kartaun monu lakon tia, to’o agora labele atu ba trata fali tanba laiha forsa atu bele ba to’o iha STAE Ainaro
“Hau simu ona osan terseira idade ne’e dala ida ona, maibe’e agora hau la ba simu osan, tanba hau nia kartaun monu lakon tia, hau atu ba trata maibe’e ema haruka ba to iha Ainaro, hau nia forsa la to’o sa’e kareta ba do’ok” hatete Avo Madalena ho triste tebes
Tuir Observasaun jornalista lian Orluli, fatin ne’ebe Avo Madalena hamahan a’an ba la sufisiente tebes atu nia deskansa iha tempu kalan.
Jornalista: Irene/Hanya/Elzy
Editór : Lian Orluli
