Lian Orluli— Komandu PNTL Munisípiu Ainaro rejista ona kazu asidente tráfegu envolve kareta EDTL.ep baku fila rezulta estudante 23 kanek inklui 1 mate, Rejista ona iha Ministériu Públiku
Asuntu ne’e hato’o husi komandante PNTL munisípiu Ainaro Superintindente Asistente Luís da Silva, relasiona kazu asidente tráfegu envolve kareta EDTL.ep munisípiu Ainaro ne’ebé baku fila semana tolu liu ba iha fulan janeiru tinan ne’e iha Aldeia Gerudu suku Soro postu Ainaro, munisípiu Ainaro, hodi rezulta estudante 23 kanek no tohar inklui ida mate fatin
“kazu ne’e rejista ona iha Ministériu Públiku ho numéru krime 001/24.ANSTR, hodi hein prosesu tuir mai” Superintindente Asistente Luís da Silva hateten iha nia knar Fatin, tersa-feira 30,01,24
Superintendente asistente luís da silva hatutan, akontese asidente ne’e tamba motorista halai la kontrola kareta nia vilosidade inklui sinais polísia ne’ebé hari iha dalan.
Entretantu fo hanoin fali katak asidente trafegu envolve kareta EDTL.ep munisípiu Ainaro ho sapa matríkula 04-474 g, akontese iha kuarta feira loron 10, fulan janeiru tinan 2024 iha Aldeia Gerudu suku soro, kondus husi motorista ho inisiál R nudár tekníku EDTL hanesan mos motorista
Entre vítima 23, ida mate fatin no nain lima tohar hala’o tratamentu tradisionál no na’in sanulu resin hitu 17 kanek kaman no todan, na’in neen evakua ba hala’o tratamentu saúde iha iha Díli no na’in sanulu resin ida hala’o tratamentu iha sentru saúde Ainaro alta ona iha domingu semana kotuk, tamba saúde hahú rekopera
Jornalista : Nina
Editór : Lian Orluli
