Lian Orluli – Komunidade Aldeia Bobe, Suku Foho Ai-lico partensia Costa do sul Bobe, Postu Administrativu Hato-udu seidauk asessu ba Estrada diak, Be’e mos inklui Eletrifikasaun.
Lian Hirak ne’e hato’o husi, Cefe Suku Foho Ai-liko Filomeno Da Costa ba Lian Orluli iha nia knar fatin katak, Pupulasaun Aldeia Bobe parte kosta sull to agora sedauk bele asesu ba estrada diak, eletrifikasaun, inklui be’e mos tanba ne’e sei buka meus hodi solusiona preokupasaun komunidade Bobe infrenta durante ne’e
“Hau sei buka meus atu nune’e hau nia komunidade bele asessu ba Be’e mós estrada no eletricidade ba Bobe parte costa do Sul nian, ohin ba hare’e direitamente iha ne’eba komunidade sira balu asessu ona be’e mós no balu seidauk asessu no eletrifikasaun inklui Estrada”.dehan xefe Suku Foho-Ai-licu Filomeno dehan, bainhira ekipa halo Vijita komunidade iha suku Foho Ai-liku, Aldei Bobe’e, Quarta 31/01/2024.
Responsavel Suku Foho-Ai-licu ne’e hatutan sei kordena ho xefe Aldei sira hodi halo karta ba parte relevante nune’e bele Solusiona Preokupasaun Povu Bobe parte kosta sull nian durante ne’e hasoru.
“Komunidade maioria husi parte kosta do Sul mak seidauk asessu ba iha be’e mós estrada no eletricidade komunidade husi Be’e Malae to Aimorbada ida ne’e mos komunidade sira infrenta hela durante tinan hira nia laran, eletricidade mós seidauk lakan, durante ne’e sira seidauk senti saida dezenvolvimento no ukun a’an, ida ne’e mak hau nudar xefe suku Foho Ai–lico ba Oin sei halo planu hodi buka meius ruma ou halo karta pedido ruma ba parte relevante sira tau nune’e bele tau iha planu iha orsametu tinan 2024 nian, konaba estrada eletricidade inklui be’e mós ita tenki kria karta ida ba iha ministério ne’ebe mak toma responsabilidade konaba servisu ne’e nian” Responsavel suku Foho-Ai-licu Filomeno da Costa hakotu
Enkuantu Populasaun suco foho Ai-lico totál 6.266, ba Aldei Bobe parte Kosta sull total populasaun 502
STJ: Lina /Jita
Editor: Lian Orluli
