Lian Orluli – Prezidente Autoridade Munisípio Ainaro (PAM), Hamotuk ho Conseilho Munisipál Combatentes Libertasaun Nasionál, (CMCLN) inklui Policía Nasiónal Timor-leste Munisípio Ainaro (PNTL), hala’o reniaun hodi estabelese komisaun Organizadora, ba komemorasaun Loron Veteranos 03 de Março iha Posto Administrativo Ainaro, Munisípio Ainaro
Ba lian Orluli, Prezidente Autoridade Munisípio Ainaro, Manuela Georgina Carmo Bucar Corte-Real, rekoñese orsamento ba komemorasaun loron veteranos iha 03 de março ho montante ne’ebé mak ki’ik ,tanba ne’e liu husi sorumotuk, atu iha konkordansia hamotuk ho komisaun nune’e bele iha kontribuisaun balun mai husi Emprezário, Funsionário inklui mos Veteranos sira
“Orsamento Ba selebrasaun loron 03 de marco ne’ebé governo aloka kiik tebes,maibe’e liu husi sorumotuk ne’e tau hanoin hodi halo konkordansia hamotuk ho komisaun, atu nune’e funsionário Veteranos no mos emprezário sira bele halo kontribuisaun nune’e ita bele implementa aktividade ba komemorasaun ne’e bele la’o ho diak liu tan” .Prezidente Autoridade Munisípio Ainaro, Manuela Georgina Carmo Corte-real depois de hala’o sorumotuk iha Salaun CMCLN Ainaro, Sexta ne’e (02/02/2024)
Prezidente Conseillo Combatentes Libertasaun Nasionál Munsípio Ainaro Júlio da Conçeicão “Loro Mesak” hatutan Orsamento ba Selebrasaun Loron Veteranos 03 de Março governo aloka liu husi CMCLN ho montante $ 5000, hodi realiza aktividade iha Munisípio Ainaro
“ Orsamento ne’ebé mak aloka husi Conseilho Combatentes Nasionál mai iha Munisípio Ainaro hamotuk $ 5000.00 Mill , hodi selebra Loron Veteranos iha 03 de Março iha Munisípio Ainaro, no iha Aktividade ne’e sei partisipa husi Veteranos komunidade inklui mos estudante sira,no Diskursu husi Ex selençia Primeiro Ministro José KayRala Xanana Gusmão, liu husi Gravasaun hodi loke iha Isar da Bandeira, no Ami simu Orientasaun husi nasional Prezidente Autoridade Munisípio Ainaro mak sai hanesan Inspektor da Seremonia Isar a Bandeira Nasional’’. Prezidente CMCLN Munisípio Ainaro Júlio daConçeicão Afirma
Alende ne’e Komandante komando PNTL Munisípio Ainaro, Superitendente Assistente Luis da Silva haforsa loron 03 fulan marco hanesan loron importante ba Povu tomak,tanba ne’e husi parte PNTL sei mobiliza Xefe secsaun ho Membro sira hodi Partisipa iha komemorasaun no asegura segurança iha aktividade ne’e to’o remata
“Loron 03 fulan Março hanesan loron ne’ebé mak importante tebes ba povu Ainaro,tanba liu husi Luta naruk, mak ohin loron ita hetan ukun rasik a’a,tanba ne’e mak komando PNTL Ainaro,sei mobiliza membro PNTL, esquarda Ainaro,Hato-udo,Maubisse no Hato-builico no Xefe Seksaun sira , hodi fó apoiu liu-liu ba iha trenamento ba iha Corpo Isar no membro sira hodi envolve direita iha loron 03 marco 2024, iha parada isar bandeira no parte segurança antes aktividade to’o remata” Comandante Komando PNTL Ainaro haforsa
Enkuantu Aktividade Enkontru preparasaun ba komemorasaun loron 03 de Março iha Munisípio Ainaro partisipa husi Prezidente Autoridade Munisípio Ainaro ho nia estrutura, Komandante Komando PNTL Munisípio Ainaro, Supertendente Luis da Silva, ADM posto Ainaro Jery Manuel Magno ,Prezidente Conseilho Combatentes Libertasaun nasional Júlio da Conçeicão ‘Loro Mesak’,Autoridade Protesaun Civíl Komandante Corpu Bombeiros José Assis Baptista, Veteranos, Diretores Servisu Munisípais, Parseiro ONG Plan Internasional inklui mós, Fundasaun Nafofila.inkontru ne’e hala’o iha salaun CMCLN
STJ: Nina
Edotór : Lian Orluli
