Lian Orluli— Fundasaun Maharu hamotuk ho Nafofila Kapasita Komunidade postu Administrativu 4, kona ba jestaun lideransa, jestaun finansas, no rekursu umano, iha Postu Maubisse
Ba lian Orluli Direitór Maharu Bonifácio Sereno Romalho hateten, Komunidade sira presija koñesementu Jestaun lideransa inklui jestaun finansas, nune’e bele jere grupu ruma ho diak
“Formasaun Loron rua ne’e objetivo atu kapasita komundade sira liliu konaba lideransa, rekursu umanu, jestaun no finansas, nune’e komunidade wainhira forma organizasaun ruma sira iha ona konesimetu konaba lideransa, jestaun finansas inklui rekursu umanu atu nune’e bele lidera organijasaun ruma ho diak” esplika Diretór Bonifasio
Diretór Fundasaun Maharu ne’e hatutan sei kuntinua fasilita formasaun ba grupu Comunity Base Organization (CBO) hodi hasa’e koñesementu diak liu tan iha lideransa nian
“Tuir ita nia planu laos hotu deit iha ne’e maibe ita sei iha aktividades seluk tan atu nune’e para ita bele involve nafatin sira, nune’e kapasita nafatin, liliu hasa’e konesimetu iha area sira seluk ne’ebe liga ho lideransa nian atu nune’e haforsa liu tan ita nia grupo CBO sira” diretór ne’e hatutan
Iha fatin hanesan Partisipante Jebedeo da Silva Benevides, hanesan mos membru CBO Hatu-Sanan Maubisse, apresia ho formasaun ne’e tanba hasa’e ona sira nia konesimentu iha lideransa nian nune’e iha futuru bele jere organizasaun ho diak
“Aktividades durante hau akompanha loron rua, apresia tebes tamba bele aprende matéria ne’ebe fo benefisu tebes ba ami joven sira no materia sira ne’e inportante tebes ba komunidade liu-liu iha lideransa organizasaun nian, tamba ami iha grupu CBO sira presija hatene saída mak lideransa? oinsa atu jere ami nia organizasaun rasik? liu husi formasaun ne’e bele aumenta ami nia konesimetu oinsa ba futuru ami bele hadia liu tan ami nia organizasaun no ami nia grupu Sira” Jebedeu hatete
Enkuantu formasaun ne’e realiza hetan fundus husi Asia Dezastre Prepardnes Cente (ADPC), atividades ne’e hala’o perante loron 2 iha salaun IADE Postu Administrativu Maubisse, partisipante husi Postu Hato-udo, Ainaro, Hato-builoco, no maubisse
ESTJ: Elzy, Hanya, Renhy
Editór : Lian Orluli
