Lian Orluli— Rejidente Joanico Araújo Da Costa husi suku Maununo, Postu Administrativu, Ainaro, triste tebes tanba tinan rua nulu resin ona suku Maununu la asesu ba estrada no ponte
” Husi tempu Indonesia to agora mos estrada nafatin a’at no ami atu lori ami nia produtu ruma ba merkadu mos la diak, durante ne’e ONG ILO mak mai cor hela, maibe to’o deit iha klaran la remata. i husi mota nian sa’e mai ne’e mak grave”,dehan rejidente Maununo Joanico
Rijidente ne’e hatutan tan “bainhira iha tempu bailoron transporte bele liu maibe’e kuandu tempu udan motor ho kareta sira labele ba Maununo lori produtu sira ba fan iha merkado, tanba mota tu’un labele ultrapasa ba mota sorin” juanicu hatutan
Nune’e xefe suku Maununu Valente Bianco hatutan ho kondisaun estrada husi suku ba Ainaro vila grave tebes hodi difikulta komunidade atu asesu ba transporte públiku iha tempu udan
“Hau kolia bebeik ona dala ruma imi husu RTTL mai husu infomasaun kona ba ita nia estrada ida nee hau sempre kolia bebeik ami nia estrada nee mos la diak no ponte mos laiha oinsa tempu udan ita nia inan aman atu lori nia produtu sira ba Munisípiu susar tebes tamba ponte laiha mezmo mos sira neebe moras susar tebes atu ba to iha sentru saude Ainaro villa,no estudante sira tempu udan sira la bele ba mai tampa kauza husi ponte laiha” hateten xefe suku valente Ramos
Aliende Ne’e Mota Maununu sai Bareira ba Komunidade hodi Labele hakur ba Ainaro vila bainhira tempu udan tanba mota tun ho intensidade bo’ot
Suku Maununu iha aldeia tolu mak hanesan, Aileu Mamalau Mausuka, ho totál populasaun 1896 no uma kain 375
Jornalista : Fina
Editór : Lian Orluli
