Lian Orluli — Xefe Suku Mau-Nunu Valente Bianco prekupa asistensia Postu Saúde Suku Mau-Nunu ne’ebé paradu besik fulan rua ona pasiente ne’ebé moras tenser lao ain komesa km5 husi Suku Mau-Nunu ba Ainaro hodi hala’o tratamentu Saúde maibe idozu sira obriga toba deit iha fatin
“Hau sente triste tebes, tamba komesa iha dezembro mai Janeiro to’o Março ne’e aktividade kona-ba tratamento Saúde ne’e laiha liu, hanesan ami nia komunidade ruma moras iha ne’e atu lori ba iha fatin ne’e dok iha distansia ne’e 5 km, tamba ida ne’e ba ami povu ne’e senti triste, ami hakarak hato ba nai-ulun sira ne’ebé maka Ministério kompotente povu ne’e atu se deit maka lidera Governo ida ne’e ita hotu nia objetivu hakarak povu atu moris diak, Saúde diak, ida ne’e maka ita nia objetivu, maibe ate agora Sentru Saúde ne’e la funsiu ona, ami senti triste tebes tamba moras urgente Doutór sira laiha ami sei lori ba to’o Ainaro, ba Ainaro mos kuandu tempu udan mota tun, estrada mos ho kondisaun ne’ebé maka ladiak, atu hakarak ga lakohi hulan deit moras ne’e, tanba ne’e ami rekomenda ba governo se’e bele destaka Doutora ida ka rua mai permanente iha Postu Mau-nunu”.xefe suku Maununu dehan
Zelia Bianco pesoál apoiu limpeza Hateten, Postu Saúde Suku Mau-Nunu Antes Destaka ekipa nain 3 kompostu husi parteira, Imfermeiro, Saúde Públiko, maibe pessoál Saúde sira nia kontratu hotu ona iha 31 Fulan Dezembro 2023
“Sira Nia kontratu hotu iha 31 Dezembro ne’e iha Janeiro nia leten laiha atendimento Lor-loron ha’u Mai hamos Hotu ha’u Passa informasaun na komunidade sira deit, sira mai hato’o protesta ruma ha’u fo informasaun ba sira pois hau fila “. Dehan pesoál apoiu limpeza Zelia
Rezidente zuanico senti triste bainhira pasiente sira moras tenki lori ba to iha Ainaro bainhira tempu uda no mota tun obrigadu tenki hulan deit nune’e bele ba hetan tratamentu iha sentru saúde Ainaro
“Senti triste oituan tanba bainhira pasiente sira iha ne’e kuandu moras dotor maka laiha hakarak ka lakohi ami tenki hulan deit lori to’o ba iha sentru súde Ainaro nune’e bele hetan tramnetu” dehan rezidente ne’e
Enkuantu suku Maununo iha Aldeia Mamelau,Aileu, Mausuka, ho totál populasaun 1896
STJ: Joanina da Lus
Editór : Lian Orluli
