Lian orluli— Udan bo’ot ne’ebé akontese iha Postu Adminisitrativu Ainaro Villa durante oras tolu nia laran halo rai tahu halai taka estrada públiku iha Manutasi diresaun Dili ba Covalima inklui Ainaro hodi fo impaktu ba movimentasaun transporte públiku no privadu inklui komunidade sira iha area refere.
Ho akontesimentu ne’e makina pezadu husi kompaiñia Nesto da sil to’o kedas iha fatin refere hodi halo normalizasaun, suru rai ne’ebé mak taka estrada públiku hodi labele afeta ba movimentasaun públiku
Manajer Kompañia Nesto da sil, Agostino da Conceição koloka kedas makina pezadu tanba projetu manan husi kompaiñia rua sei halo projetu iha fatin refere
“Ho makina pezadu to kedas iha fatin hodi normaliza estrada Manutasi tanba projetu ne’e manan na’in husi kompañia Nesto da sil no Sunrsise Unipesoal Limitada,Tanba ne’e kompañia rua ne’e sei mantein ho nia makina pezadu hodi suru rai tahu bainhira akontece Erosaun“, dehan manajer ne’e
Alende ne’e operador makina pezadu, João Soares hateten “hanesan Operator nebe’e kontrata husi kompañia Nesto Da Sil no Sunrsise Unipesoal Limitada altera nafatin iha Manutasi hodi suru rai ne’ebe taka estrada públiku”.hateten Operador Nesto dasil João iha fatin
Tuir observasaun jornalista Lian Orluli nota katak hafoin halo normalizasaun trasnporte sira bele liu maibe estrada kontinua namdoras tanba rai tahu sei belit iha estrada
STJ : Josefina Sarmento
Editor : Lian Orluli
