Lian Orluli—Prezidente Auotoridade Munisipiu Ainaro Manuela Georgina Carmo Bucar Corte-Real hateten, governu Japaun sei apoiu orsamentu hodi halo konstrusaun ba merkadu Maubisse.
Prezidenti Autoridade Munispiu ne’e rekorda hikas informasaun ne’e hafoin hetan konfirmasaun husi jornalista lian orluli iha kuarta ne’e iha nia kna’ar fatin Administrasaun Munisipiu Ainaro, hodi klarifika ba públiku tanba antes ne’e hetan vizita husi Prezidenti da Repúblika, negosiante sira husu atu tau atensaun ba merkadu refere, nune’e aman ba nasaun Jose Manuel Ramos Horta simu kedas preokupasaun ne’e ba prioridade hodi husu Autoridade Munisípal kona ba alokasaun orsamentu kapitál dezenvolvimentu maibe seidauk iha ho nune’e, hato’o pedidu ba embaixadór japaun atu ajuda orsamentu ba halo konstrusaun ba merkadu ne’e hodi bele hatan ba vendedor sira nia preokupasaun ne’ebé levanta ona, nune’e governu Japaun liu husi embaixador Japaun simu pedidu ne’e hodi husu dezeñu ruma hodi apoiu orsamentu ba konstrusaun
“Iha momentu Prezidente Repúblika ba vizita merkadu Maubisse komunidade hato’o sira nia lamentasaun ba prezidente da republika atu hare kondisaun no situasaun merkadu Maubisse nian, ne’e prezidente fo kedas atensaun, komunidade sira esklarese katak merkadu ne ‘e ho kondisaun ne’ebé ladun diak no sai hanesan kestaun tráfiku tanba transporte sira atu movimentu ladiak, negosiante sira faan liu iha fatin públiku ne’ebé transporte liu ba mai, entaun Prezidenente Repúblika husu ba Autoriedade orsamentu ba tinan ida ne’e alokadu ba iha kapital dezemvolvimentu iha ka lae? Haree ba kestaun ne’ebé komunidade levanta ona katak tinan ida ne’e dezevolvimentu laiha iha momentu ne’eba prezidente da Repúblika husu ba embaixador japaun hodi apoiu atu hari’i merkadu Maubisse, rezolve kestoens ne’ebé vendedores micro negosiu sira infrenta, iha momento ne’eba embaixador japaun simu pedidu husi prezidente repúblika nian, husu autoridade prepara estudu dezeñu kompletu depois bele submete ba embaixada, señor prezidente rasik husu ba komunidade mais ou mens presija orsamentu hira, entaun iha ne’eba hau mak fo kalkulasaun persija osan $250 mil, Haree ba merkadu ezistente oinsa mak atu meillora nia kondisoens ne’e haree ba maluk sira uza fatin ejisstensia ne’e atu bele retira lai fatin ne’e, hadia fatin ne’e bele akomoda fali sira’’, hateten PAM iha nia knaar fatin Ainaro kuarta ne’e, 06/03/2024
Haree ba novidades ne’e xefe suku Maubisse vila Wilson Nivio Maria Pereirra Mendoça nia parte iha tempu badak sei hasai provizoriu vendador sira ne’ebé hala’o halao hela negosiu iha merkadu laran hodi fo espasu ba kontrusaun no merkadu sei lao nomar bainhira finaliza konstrusaun
‘’Iha planu aprezentasaun hona ba merkadu Maubisse fulan hira ba kotuk ita hare ona fatin hodi konstroi merkadu foun ida ne’ebé liu husi estudu realidade haree katak fatin ladun diak no fatin ne’ebé dook aban bairua sei fó implikasaun ba momivimentu ekonomia entaun ita fila fali ba fatin iha merkadu antigu postu Maubisse ita koko halo fila fali dezeñu no estudu ita manten atu bele halo konstrusaun reahabilita fila fali merkadu Maubisse hanesan alternativa ida ba futuru ekipa tekniku sei ba foti dadus iha merkadu no foti levantamentu, komunidade sira uza fatin refere”, Dehan lideransa komunitaria ne’e. tanba ne’e, posibilidade merkadu sei muda ba merkadu antigu hodi fo espasu ba halao atividade fiziku
Enkuantu tuir kalkulasaun orsamentu ba konstrusaun hamutuk dolar amerikadu rihun atus rua limanulu
Jornalista:Chelly /Reny
Editor : Lian Orluli
