Lian Orluli— Komandante Komando PNTL Munisípiu Ainaro Superientendente Assisitente Luís da Silva hateten, durante inisiu Janeiro to’o meadu fulan marsu tinan ne’e, rejistu kazu ofenas integridade fizika simples 27, ne’ebe maioria envolve estudante sira ensinu Sekundaria Jeral Fernando Lasama de Araújo (SGFLA) ho total kazu ne’en (6) iha Ainaro
“ Husi dia 1 de janeiro to’o iha dia 21 de marsu total kazu krime ne’ebe akontese iha komando distrital de Ainaro hamutuk 27 husi kazu ne’e iha eskudra Ainaro 16, Maubisse 8, Hato-Builico 3, kazu ne’ebe a’as liu iha komando distrital Ainaro primeiro husi ofensas simples interegrado fisiku simples,segundo, DVI, terseiro Arma branco, kazu ofenas integrado fiziku simples maioria ne’e husi eskola SGFLA kazu ne’en(6), estudante sira sempre provoka malu no tuda malu no joven sira iha liur”, esplika Superientendente Assistente Luis
Nia hatutan tan, relasiona komflito ne’ebe akontese PNTL hala’o sosializasaun ba estudante sira hodi bele hala’o prevensaun problema entre estudante sira
“Halo ona vizita eskola hodi divulga informasaun kodiku estrada ni-nian no divulga kazu krime, no lei krime ba sira no estudante sira bele hatene katak hahalok sira ne’ebe sira halo ne’e sei la diak iha futur, entaun lalais liu halo dialogo iha eskola, hodi fo atensaun ba estudante sira kuando sai husi eskola ba los uma laos ba fali grupo sira hodi provoka malu no tuda malu ida ne’e la dun diak,” Komandante Komando PNTL Ainaro Ne’e hatutan
Nune’e Diretur eskola SGFLA Armando Pereira hatutan tan, durante komflitu ne’ebé akontese iha eskola tanba menus prfesores atu hodi halo kontrola ba estudante sira, tanba governu hapara tia profesores barak iha tinan kotuk
“Ami iha ne’e profesores 18 pessos deit sala ba estudante sira iha ne’e hamutuk 13, tamba iha ne’e ami la bele kontrola sira hotu ho diak, dala ruma ami tama sala balu no balu mamuk ne’e maka halo konflito iha ne’e a’as tamba menus professor/a, iha ne’e professor/a,” Diretor Eskola SGFLA Armando Pereira hakotuk
Enkuanto tuir dadus total estudante iha ensinu sekundaria jerál Fernando Lasama de Araújo hamutuk rihun ida atus tolu sia nulu resin neen (1396) kompara ho manorin nain sira iha deit nain sanulu resin ualu(18)
STJ: Reny Tael
Editor : Lian Orluli
