Lian Orluli— Diretúr Servisu Saúde Munisípiu Ainaro Benedito Mendonça Dos Santos hatete, inisiu janeiru to’o iha meadu fulan marsu tinan ne’e, rejista kazu denge hamutuk sanulu. Entre kazu sanulu mane na’in rua mate, ho idade 20 no ida seluk 30 na’in ualu seluk refere ba hala’o tratamentu hospitál referensia Maubessi.
“Ita rejista kazu hahú husi fulan janeiru to’o iha meadu fulan Marsu ne’e, kazu pozitivu denge iha 10. Husi kazu ne’e kategoria ba iha moderadu hotu no nain rua mak mate tamba kazu sira hanesan ne’e husi mane nain rua ho idade produtivu husi idade 20 ate 30 anos, no mate ho idade 21 ho 28 anos” esplika Diretúr Servisu Saúde Munisípiu Ainaro, Benedito Mendonça Dos Santos ba jornalista sira iha salaun enkontru Administrasaun munisipál Ainaro segunda 18/03/2024
Sekretáriu II Asuntus Apoiu Planeamentu no Sosiais Munisípiu Ainaro Albertino Dé Araújo hateten, prezidente autoridade mnunisípiu Ainaro mai ho programa limpeza kada semana iha loron sesta-feira envolve funsionáriu sira halo limpeza iha estrada públiku iha área urbana, hodi bele sai mós izemplu ba komunidade bele hamos sira nia uma oin, nune’e bele hala’o mos prevensaun ba moras denge.
“ Foin akontese hanesan ohin directór hateten hanesan PAM orienta atu bele halo prevensaun publika ba ita nia komunidade sira fo sentido ka konsiente ba ita nia komunidade sira moris ho konsiente moris saudavel no mos ne’e ita presija limpeija” Albertino Dé Araújo
Enkuantu iha munisípiu Ainaro iha sentru saúde haat Ainaro, Maubessi, Hato-builico no Hato-udu, tamba ne’e alerta ba komunidade sira bainhira isin manas atu hala’o tratamentu nune’e saúde bele rekopera
ESTJ: Renhy/ Nynha
Editor : Lian Orluli
