Lian Orluli (27/05/2024)— Komando Polisía Nasional Timor Leste,Liu husi Polisía Tránjitu (POLTRANS), Entrega hikas motorizada ne’ebe lakon iha Munisípiu Manufahi, iha fulan Setembru tinan 2023, ba nain, iha Eskuadra Polisía Nasinál Hato-udo.
“Ohin loron 27/05/2024 maius ou menus oras 13:00 Otl iha Komandu PNTL Municipio Ainaro ekipa POLTRANS, Munisípiu Ainaro entrega hikas motorizada ida lakon no hetan fali iha Suku Foho-Ai-Lico, Postu Hato-Udo, Munisípiu Ainaro”, komandate seksaun tránjitu Munisípiu Ainaro, Sargento Sefe Marito Coelho informa via telefone ba Lian Orluli, Sigunda feira ne’e (27/05/24)
Komandate Tránjitu munisípiu Ainaro,Marito Coelho haktuir kronologia katak, nian ba motor refere fo aluga ba sidadun ida husi Indonesia, hodí ba Munisípiu Manufahi, iha Fulan Setembru tinan 2023, hafoin to’o iha Manufahi, motor nain lakon kontaktu, ho nune’e motor nain kontaktu kedas ba Polisía Nasinál Timor Leste munisípiu Ainaro hodí buka tuir no hetan fali Iha Postu Hato-udo suku Foho-Ai-Lico, Maibe sidadun Indonesia ne’e konsege fan tia ona.
“Iha fulan Setembru 2023 Nia laran fo aluga motor ba sidadaun Indonesia, hodi ba fan sasan sira FANTIJIA ba Munisipiu Manufahi, lakon ona kontaktu, ho nune’e iha 29/02/2024 motor nain ba informa iha Komandu PNTL Municipio Manufahi, liu tiha fulan 2 seidauk serteza informasaun, ne’e duni iha data 15/05/2024 ba Informa fali iha Komandu PNTL Municipio Ainaro no iha data 18/05/2024 konsege hetan motorizada ne’e iha suku Foho-Ai-Lico, liu hosi OPS Suku Foho-Ai-Lico ho Komandante Eskuadra Hato-Udo no iha tempu neba Komandante Eskuadra Hato-Udo asegura kedas motorizada mensionadu kontinua lori ba Komandu PNTL Munisípio Ainaro hodi halo prosessu investigasaun”, komandante tránjitu ne’e hakotu
Enkuantu motor refere ho capa matríkula D.2947.tl, POLTRANS entrega hikas ba nia nain ho kondisaun diak.
Jornalista : Lian Orluli
