Lian Orluli– Romeo de Almeida hatete, bainhira estadu oferese fatin dignu utiliza ba nesesariu atu ema labele hakribi negosiante sei kontribui tasa ba estatu
Negosiante, lansa kritika ne’e tanba matadoro merkadu Ainaro neebe dau-daun ne’e utiliza ba fa’an na’an fresku la iha espasu naton no la dun ijene tanba la iha nesesidade baziku hanesan be’e mo’os
“Ami nu’udar negosiante matadoru iha Munisipiu Ainaro ne’e ami haree la dun sufisiente, uluk sira halo fatin ida ba ami maibe ami tau na’an isin no na’an ruin ladun diak, ema mai sosa ami ta’a na’an ruin bokan ladiak, ami halo simples deit lori buka moris, estadu halo dunik maibe fatin ne’e kloot la seguru, ema atu sosa deit mós ami bokan ladiak ita hamrik distansia do’ok fali mós ladun diak fatin ida kotuk ne’e ami ba sosa karau mai kesi iha ne’eba koa mós iha hotu ne’eba, Be’e mós ami uja privadi, iha tinan kotuk ami selu maibe agra ami la selu tanba fatin ida ne’e la seguru ba ami atu koa na’an, karik ita nia autoridade sira hadia fatin ida ami bele selu kada fulan ba Kofre do estadu, agora ami la selu tanba fatin ne’e ami nain halo rasik” Dehan Vendedor na’an Romeo de Almeida iha matadoru Merkadu Ainaro foin lalais nee.
Tanba nee husu governu lokal Munisipiu Ainaro atu tau atensaun kria kondisaun diak no ijene atu labele prejudika komprador sira
“Ami husu ba estadu hadia netik fatin ida ne’e atu ami fa’an na’an karik nai ulun sira ka maluk balu husi munisipiu seluk mai labele protesta no ema sira husi estranjeiru ruma mai karik labele protesta ami tanbasa mak tenki fa’an iha fatin hanesan ne’e, ami hatan ba sira kondisaun fatin mak hanesan ne’e ona fatin la seguru” dehan nia.
Nunee mos Vendador Abilio de Jesus preokupa tanba kada fulan utilizador sira selu tasa, estadu liu husi governu lokal tenki kria fatin diak ba negosiador sira halao atividade vende no kompra
“Ami ne’ebe utliza fatin iha merkadu ne’e kada Fulan ami selu Be’e no eletricidade tanba ne’e husu ba Governo lokal tenki tau atensaun ba merkadu Munisipiu Ainaro” dehan Abilio
Hatan ba preokupasau ne’e Diretor jestaun merkadu Manuel Ramos Pintu, hateten konaba merkadu Munisipiu Ainaro sei iha planu no sei halo estudu klean iha tina oin tanda dadaun nee sei preokupa ho servisu seluk neebe relevante
“ita koalia konaba fatin merkadu Munisipiu Ainaro ita iha planu ba tinan oin ita haree no muda fatin ne’e provijoriu ita uza daudaun ne’e ami iha planu ida atu forma Ekipa ida ba sira matadoru ne’e bele halo jestaun ba matadoru tanba servisu ne’e barak liu ami Seidauk halo ida ne’e hein servisu folga oituan kestaun sira koalia hanesan ne’e ami dehan diak ita laos milagre lao neneik, merkadu nia kondisaun realidade mak hanesan ne’e ita iha planu atu halo Estudo Abilidade ida para ida-idak tuir nia fatin ita halo Estudu abelidade atu identifika rai ne’e se ita hetan rai ne’e bele fahe tanba iha ne’eba ne’e atu hari merkadu foun bele implementa pakote ida_idak,Ex matadoru letak fa’an OB ketak no modo tahan Sira ketak,defende Orsamentu sira passa,uma ida Ágora daudaun Negosiante sira hodi ko’oa na’an ne’e PIDL nian, uma sira ne’e hamrik tia ona sira atu halo jestaun deit ko’oa karau iha ne’eba laos sira mak hari Estado mak hari, ami sei koalia ho sira forma Ekipa ne’e halo didiak para bele halo jestaun ba merkadu Matador Munisipiu Ainaro ne’e nian as” Dehan Diretor Jestaun Merkadu Manuel Ramos
Enkuantu Observasaun Jornalista Lian Orluli nota katak matadoru Munisipiu Ainaro la hijene no Vendedor sira uja rasik ai halo rasik hadak hodi tula na’an fresku Ne’ebe mak Negosiante sira atu kompra
jornalista: Pedrolina Da Costa.
Editor: Lian Orluli
