Lian Orluli– Hafoin iha loron 16 fulan jullu tinan ne’e (2024) iha Aldeia Goulau Suku Leo-Lima Posto Administativo Hatu-Udo Munisipiu Ainaro, ema deskoinesidu na’ok idozu Lucas nia osan rihun rua-resin inklui dokumentus iha rejidensia idozu ne’e nian
“Ha’u triste tebes tanba ha’u nia osan ho dokomentu hanesan eletoral, Bilete Indentidade, nomos Rekening, ha’u mos sofre hela moras bo’ot liu lasai, ha’u husu governu atu ajuda netik ha’u atu nune’e hodi halo fali dokomentu ne’ebe mak lakon iha loron hirak liu ba”, dehan lezadu ne’e.
Hatan ba tristeza ne’e Autoridade Munisipiu Ainaro, liu husi Sekretariu Asuntu Sosial ba Organizasaun Agostinho Doutel Sarmento ho ekipa dezastre naturais foin lalais ne’e apoiu aihan emerjensia ba Lucas da Silva iha nia rejidensia ba sustenta moris hodi hein prosesu buka tuir autor ne’ebe na’ok osan ne’e
“Ami rona informasaun husi media, relasiona ho Idozu nia osan ho montante ne’ebe boot no dokomentu lakon hotu, tanba ne’e ohin hau hamutuk ho diretora Dezastre Naturais ho ekipa tun direta hodi oferese netik sasan emerjensia hanesan aihan atu nune’e bele aguenta hodi hein prosesu tuir mai” dehan Agostinho.
Alende ne’e Xefe Aldeia Goulau, Mateus Soares Agradese ba Autoridade Munisipiu ne’ebe liu husi nia ekipa tulun ona aihan ba komunidade idozu ne’e, nune’e nia sujere atu apoiu mos materiak fíziku hodi rekonstroi uma ba idozu refere
“Agradese ba Autoridade munisipiu tanba ofese ona aihan ba ha’u nia komunidade Lucas Da Silva, ha’u mos hakarak hato’o mos ba governu bele ajuda netik material ruma hodi satan netik5 udan no anin” xefe suku ne’e rekomenda
Enkuanto apoiu ne’e hodi hakma’an sofrimentu lezadu nian tanba osan ne’ebe lakon ho montante ne’ebe bo’ot hamutuk dolar amerikanu rihun rua-resin iklui eletoral BI no kartaun konta bankaria
Entretantu akontesimentu ne akontese iha aldeia Goulau Suku Leo-Lima Posto Administativo Hatu-Udo Munisipiu Ainaro iha loron 16 fulan jullu tinan 2024 foin lalais ne’e
Jornalista : Celita Xavier
Editor : Lian Orluli
