Lian Orluli — Tuir Matebian Albina do Carmo nia alin Cidalia Martins, Haktuir katak akontesementu ne’e iha oras tuku rua loraik Nia ho nia bin Albina do Carmo ko’oa hela modo iha dapur.
Hafoin suspeitu AM sai husi uma laran kaer ho katana sabit hodi haksesu malu ho nia Espoza iha uma kotuk,hafoin suspeitu kaer katana sabit hodi ta’a ba Albina do Carmo,nia kakorok kotu ikus mai Albina do Carmo monu iha fatin
“Ha’u fila hela modo, maun tama mai tur hela iha uma laran, deskuti malu ho bin iha haris fatin oin, taun ha’u mós sai ba hare sira nain rua baku malu, hau rona de’it bin ko’alia, “ha’u ba lisensa lai iha servisu fatin hodi ita rua ba tia Bolbeta”, ho nune’e maun mós lori ho subrinha feto ne’e la’o tuir bin ba iha Servisu fatin, maun ne’e sosa tia sabit hodi mai uma, maun haksesuk ho bin maibé bin sedauk resposta maun nia liafuan, ha’u hare maun lori katak atu taa bin, ho hakfodak ha’u halai ba tia vijinho nia uma, no ha’u mós la hetan nia taa ho ha’u nia bin ne’e “, Haktuir Cidalia vitima matebian Albina nia alin.
Fatin hanesan Komandante Operasional Polísia Ainaro Inspetor Xefe Manuel Alves,Hateten Husi akontesementu ne’e suspeitu ba intrega an’n iha Polísia ho Evidensia sasán kroat hanesan sabit ida.
” liga ba kazu ne’e, ohin akontesementu ne’e suspeitu diretamente mai intrega aan iha polísia ho nia evidensia ne’ebé maka nia uza hodi hamate vitima ne’e, ho informasaun ne’e maka ami tun iha terenu hodi halo prosesu ejaminasaun ba iha lokál do krime, no dadaun ne’e mate isin sei submete ba iha prosesu autpsi, tanba ne’e kazu omesidu. No suspeitu uza sabit maka hamate vitima ne’e no suspeitu ho obzeitu iha ona ita nia fatin hodi hein prosesu investigasaun”, Esplika komandante ne’e
Entertantu Matebian Albina do Carmo nia aman hakarak husu ba PNTL,atu submete autór ba prosesu Investigasaun durante oras durante oras hitu nulu resin rua iha Sela hafoin lori ba tribunal hodi responsabeliza ba aktu krime ne’ebé suspeitu AM komete.
” Ha’u nia oan mate ona tanba ne’e ha’u husu parte relevante tenki prosesu nia tuir lei hodi hatama ba komarka“,Hatene Matebian Albina nia aman
Enkuantu Agora dadaun mate isin Karro Funerariu, lori ona ba Dili hodi submete ba Autopsia matebian Albina Do Carmo ho suspeitu forma uma kain ho oan feto ida ne’ebé hela iha área Aiteka-laran, Suku Ainaro Postu Administrativu Ainaro
Vila.
Jornalista: Pedrolina Da Costa.
Editor : Lian Orluli
