Lian Orluli — Dadus ne’e fo sai husi komisaun organizadora munisípiu Ainaro Gergina Carmo Bucar Corte-Real atual Prezidente Autoridade Munisipiu Ainaro iha kuarta feira ne’e, hafofoin hala’o enkontru ho estrutura komisaun hodi update peregriñus ne’ebé mak rejiista kada posto hodi partisipa iha vizita sua santidade papa Franscisco nian iha Dili
“Prezidente Autoridade Munisipiu Ainaro mak sai Prezidente komisaun Organizadora hamutuk ho Amu Parokia sira, CPP , Administrador Posto Administrativo sira, no mos sira ne’ebe mak tama iha estrutura Munisipal nian, hodi update ikus liu preparasaun kada Postu ne’e rejista peregrinus sira transporte atu fasilita peregrinas sira hodi ba iha Dili, ohin mos hakarak fo informasaun ba sira katak rezultadu enkontru ida horseik PAM Hamutuk ho Komandante Polisia ho ministru estatal, no Amu Kardial inklui Amu sira ne’ebe mak responsavel ba preparasaun amu papa, kolia kona-ba atu simu amu papa nian tuir karaktérstika Munisipiu nian, no mos ema 150 pesoas sei hatais tais tuir kultural Ainaro nian no baku babadok, siimu Amu papa iha Airoportu, tanba Munisipiu hotu sei tidin arku, rejistu munisipiu Ainaro hmutuk 8.885 peregrinas ohin ita taka ona, hodi organiza no hare’e fatin ba ema hodi Hela iha ne’eba tanba dia 8 de setembro ita desloka ona ba iha Dili, tanba ne’e subsidu ne’ebe mak Ita hetan husi nasional hamutuk $40.000.00mil deit, ita sura ba konbustivel, hodi atende ba kareta públiku, ne’ebe mak nain sira oferese gratis, ita so tau deit mina, hodi tula ita nia peregrinus sira ba iha ne’eba” deha Prezidente Komisaun ne’e.
Prezidente komisaun ne’e esplika, Transporte ho tipu tolu hamutuk 345 mak sei tula Perigrinus sira ba partisipa iha vizita sua santidade Papa Francisco nian iha Dili, no nia subliña peregrinu sira
“Ba konsumsi hau senti osan ne’e la to’o husu ba peregrinus bele responsabilidade rasik, tanba fiar ne’e la presija buat hotu prontu mak ita foin ba iha serimonia kultural ita ba bele fulan ida, maibe ita la kestiona buat ida maibe ita husu loron ida loron rua deit ba ita nia fiar husu ba perigrinu no sarani sira, ita ba iha ne’eba para atu hetan grasa bensan husi Amu papa ,Transporte públiku, pribadu no transporte governu nian ita sei uza masimu para hodi halo movimentu hodi tula perigrinu sira, ba iha ne’eba no ita mos tenta kontaktu ho empreja Ainaro oan sira ne’ebe mak iha Dili bele oferese tan transporte balun mai para bele tula ita nia peregrinus sira, total transporte 346, hanesan truk no anguna kareta pribadi 17 governu nian 11, ida ne’e mak ita uza maksimal hodi halo kordenasaun akompaiñamentu buat sira ne’e hotu”. Nia hakotu
Enkuantu, Peregrinus besik rihun sia mak sei partisipa iha vizita sua santidade nian iha Dili no trasporte ne’ebe tula peregrinu sira ho tipu tolu, Privadu, públiku no governu ho total transportes 346
Jornalista : Sara Lewis
Editor : Lian Orluli
