Lian Orluli-Country Diretora Plan Internasionál Timor-Leste Dillyana Ximenes, hateten, liu husi asina akordu hametin lasu amizade entre Autoridade Munisípiu Ainaro ho Plan Internasionál hodi bele kontinua servisu hamutuk, liu-liu seitor Edukasaun, Agrrikultura, empoderamentu inklui programa relevante sira, alende ne’e nia mos apresia ho autoridade sira nia apoiu hodi halo mudansa ba komunidade sira
“Objetivu primeiru mak fó apresiasaun masimu Sua exelensia PAM Servisu forte tebes tanba durante ne’e suporta atividade hotu ne’ebé PLAN hala’o iha Munisípiu Ainaro, PLAN hakarak hato’o apresiasaun masimu ba. Xefe suku 21, no xefe aldeia 131, ba posto administrativu haat iha Munisípiu Ainaro, tanba PLAN bele halo servisu ho di’ak hodi atinji, halo mudansa ba komunidade, Objetivu segundu asina akordu daruak ba tinan tolu oin mai ho Prezidente Autoridade Munisípiu Ainaro hodi kontinua atividade PLAN nian iha Munisípiu Ainaro, kona-ba saida mak ami bele servisu hamutuk hodi hadia di’ak liu tan iha futuru, halai liu ba iha area Edukasaun, Agrikultura, atendementu ba família em poder lokal, foku mós ba foinsae sira, Saúde sexual reprodutiva Be’e no Saneamentu Risku Dezastre Naturais, Parte Scoop, Hala’o diskusaun nakloke ho nain ulun sira Munisípiu Ainaro saida mak atu servisu di’ak liu tan tanba liu husi avaliasaun ne’e parte ida importante los, hodi hare ba saida mak Autoridade sira presija no saida mak ami presija atu servisu hamutuk”. Dehan Country Diretora Plan Internasionál ne’e, iha abertura ba formasaun iha Salaun Administrasaun Munisípiu Ainaro, kinta ne’e (15/08/2024).
Iha Sorin Seluk Prezidente Autoridade Munisípiu Ainaro Manuela Georgina Carmo Bucar Corte-real agradese ba Plan Internasionál tanba kontinua servisu hamutuk, lori ambiente justu ba foinsae sira.
“Ohin ita tur Hamutuk iha ne’e hodi hamoris fali servisu entre Plan Internasionál ho ita, no durante ejistensia iha Ainaru ne’e halai liu ba iha oinsá mak kria mundu ida ne’ebé justu ba Igualdade ba labarik feto, liu-liu ba ita oan feto alin feto, ferik oan sira oinsá mak atu halo desizaun rasik ba sira nia aan no sira nia família, husu ba mane sira atu fo oportunidade ba feto atu rona sira nia lian, no mós sira fó apoiu ba atividade ne’e mak ami ladún fó atensaun no tau prioridade liu ba iha area oioin, tanba ne’e ho prejensa Plan nian bele fó atensaun ba iha asuntu sira ne’ebé mak importante teb-tebes, ami la konsege hare “. Deha PAM Ainaro.
Enkuantu kooperasaun ne’e hanesan kontinuasaun hodi halo mudansa ba komunidade sira iha are edukasaun, agrikultura, dezastre naturais no seluk-seluk tan
Jornalista : Sara Lewis
Editor : Lian Orluli
