Lian Orluli— Sentru Nasionál hamutuk ho Autoridade Munisípiu Ainaro inklui vítima sira selebra 25 anos, Masakre 23 Maununo, Suku Mau-Nuno, Posto Administrativu Ainaro Segunda ne’e
Xefe suku Mau-Nuno Valenti Biaco Ramos konta, Maununo hanesan helik fatin ba lutador sira
“Hakruk ba heroi hotu hahú husi Presidente Nicolau Lobato, mai to’o sira nain 11 ne’ebé mak mate iha Maununo ne’e, ba mós vítima sira hotu, ita hotu hatene katak loron ida ohin ne’e importante tebes ho istória masakre 23 Maununo, ho naran ida bo’ot iha nasaun Repúblika Demokrátika Timor-Leste, tanba ne’e antes akontese Masakre ne’e iha fulan Abríl 1999, Eis xefe aldeia Aileu Joanino Bianco ho hodi forma mahidi iha Cassa, maibé iha 21 malae Interfet mai ona iha timor hodi salva, no iha 23 sira mai fali iha Maununo iha grupo 3, iha 60 orang, grupu ida sae husi rai lolon, ida husi klaran no ida seluk, sae husi mota ninian, ho ida ne’e mak Timor-laran tomak halai hotu mai iha Maununo, tanba sai hanesan abrigu, maibé iha 1975 halai namkari, kuandu Bapa sira tun iha rai Timor iha 1999 ami nia xefe suku sira komesa tur hamutuk ona, iha Maununo kota lama no kota baruk, fatin ne’ebé mak ema hotu mai konsentra iha ne’e”, Haktuir Xefe Suku Maununo Valenti
Tanba ne’e PAM Ainaro Manuela Georgina Carmo Bucar Corte-Real dehan ho sakrifisiu boot ida husi ita nia asuwain sira ohin loron ita hamrik hanesan nasaun Dekratika de Timor-Leste
” Ohin ita hamrik hanesan nasaun ida, ne’e sagrafisiu bo’ot husi ita nia as’wain sira, inan aman sira, no mós 11 pessoas ne’ebé mak mate, ohin ita komemora 25 Anos, kuandu ita rona ona INTERFET tun iha Dili, ita kontenti ita seguru, maibé akontese ne’e ema hotu subar iha mau-ulo hodi halai sae ba foho, maibé kilat paradu tia hotu entaun ami mai ho dotor ema Baucau nian ida , maibé kilat taruta nia hakarak ba, maibé ami dehan kuidadu mak ne’e dotor maibé nia hatan katak ne’e ha’u nia Profisaun, ha’u tenki ba no lori ho aimoruk iha nia kalbaka, maibé ho sofrementu sira ne’e ohin ita hamri’ik hanesan nasaun ida, agora ita hotu hamutuk iha ne’e atu prense ukun aan ne’e ho buat ne’ebé mak di’ak hodi halo Dezenvolvimentu “. Dehan PAM Ainaro
Iha okaziaun hanesan Koordenador Asosiasaun vítima, Domingos Moniz. C de Araújo mós haktuir
” Prezensa ita nian ne’e esensial tebe-tebes, hodi hatudu ba rai no lisan ida ne’e, tanba sentimentu humanu ohin ita bele halo solidariedade, hodi tau ai-funan hamutuk ho família, atu nune’e família labele senti katak sira mesak, hanesan estadu iha obrigasaun atu hare’e ba asuntu sira ne’e husu ba inan aman sira tenki loke laran ba vítima sira ne’e tanba ukun rasik a’an ne’e mai husi veteranus no vítima, tanba sira hamutuk 11 ne’e foti Maununo nia naran, liu Munisípiu Ainaro, finalizasaun sai hanesan istoria iha fatin ne’e nune’e ema bele hare’e la presija sasin atu konta tan tanba iha momentu ne’e hakerek istória ne’e kompletu ona “. Kordenador ne’e hakotu.
Enkuantu, entre ema 11 ida ne’e nain rua hetan ona rekoñesementu husi Veteranus maibé 9 seidauk.
Jornalista: Sara Lewis/Irene Tael
Editor: Lian Orluli
