Lian Orluli-Komisaun Nasional Eleisoens, (siglá portugés, CNE) Komisariu Alcino de Araujo Barris, Sosializa Edukasaun Sivika ho tema, hamutuk konsolida demokrasia no eleisaun ba poder lokal ne’ebé partisipativu no inkluzivu.
Alcino de Araujo Barris hatete, Dezenvolvimentu ne’e, barak liu iha kapitál Dili, maibe efeitu ne’ebe akumula mak problema ba fatin ou espasu Movimentu.
“Ita koalia dezenvolvimentu iha rai ida ne’e kuandu la halo desentralizasaun Buat hotu-hotu desentraliza iha Dili deit, enkuantu iha munisipiu la iha meius, Dezenvolvimentu ne’e barak liu mak iha kapitál Dili, maibe nia efeitu mak ema hotu akumuladu iha Dili maka agora problema ba iha fatin ou espasu movimentu, preokupasaun ba estadu maka problema sira hanesan desobedensia públiku.”, Dena Komisariu CNE ne’e.
Iha okaziaun ne’e, komandante eskudra Postu Ainaro Villa, Tomas Yosep rekorda, situasaun iha Ainaro balu ladun hakmatek tanba falta moral husi inan-aman ba oan sira deskontrolafu
“Iha momentu ne’e mezmu ke ami iha seguransa polisia Ainaro ne’e rekursu limitadu, ami fahe ekipa rua mak ba Dili korekta apoia seguransa nasional, ekipa 15 pesoas asegura seguransa ba iha ita nia peregrinus ne’ebe mak desloka husi ita nia Munisipiu ba Dili, situasaun sira ne’e mosu tanba deit ita nia oan sira ne’ebe mak la iha responsabilidade moral, tanba ne’e sala ne’e mai husi inan aman Sira ne’ebe mak ladun kontola oan sira.” Dehan Tomas Yosep
Komandante Esquadra ne’e hatutan tan katak hahu hosi horas tuku 9:00 ba leten la iha movimentasaun no tur grupu iha vila laran.
“Situasaun ne’ebe mak mosu iha dia 14 situasaun normal, iha sirkular nee hatete tia ona katak iha horas tuku 9:00 ba leten la iha movimentasaun tan iha vila laran, la iha tan tur grupu iha fatin fatin Sira ne’ebe maka hemu No konta istoria,tamba ne fo hatene ba Ita nia oan Sira kontrola kalan hosi horas tuku ba leten Ita bo’ot sira labele tur grupu ga halo movimentu iha neba”, nia hatutan
Iha fatin hanesan xefe suku Mau-ulu hatete, nia senti kontenti tanba, Komisariu CNE bele sosializa iha suku Mau-Ulu.
“Ha’u senti kontenti tanba komisariu CNE bele hili Mau-Ulu hakarak mai bebeik, Tanba here’e ema barak kontenti hakarak mai nafatin para atu fahe fali informasaun ne’e atu nunee ita hotu bele komprende, oinsa atu bele hakat ba poder lokal.” dehan lideransa xuku ne’e.
Enkuantu fasilitador ba sosializasaun, Komisariu CNE Alcino de Araujo Barris no partisipasaun husi lideransa suku inklui seguransa sira Iha Ainaro.
STJ: Carmen/Lucia
Editor: Lian Orluli
