Lian Orluli–Relasiona ho kazu harahun Inan Faluk Madalena Nia uma no Restorante iha area Besik Ponte Mau-mali Baliza entre suku Soro, Manutaci no Ainaro, iha loron 27 fulan Marco tinan ne’e, PNTL Munisípiu Ainaro Investigasaun, rezista ho númeru krime 0012/2025/ANV
“PNTL halo ona ijaminasaun iha fatin akontesementu no rekolha ona Informasaun husi vitima no rejista iha Ministeriu públiku ho númeru krime 0012/2025/ANV, hodi hein mandadu judisiariu,tanba kazu ne’e hanesan Fora Flagrante Delitu”, Esplika Segundu Komandante Komando PNTL Munisípiu Ainaro, Superintendete Asistente polísia, Hélio da Conaceicao iha nia knaar fatin,(3/4/25)
Vítima Madalena Natercia Corea Barros husu ba PNTL atu buka kaptura autor sira hodi prosesu tuir lei hodi selu sasán Restaorante sira ne’ebé rahun,tanba nia hanesan kbiit laek ida ne’ebé laiha osan atu sosa fali hodi Kuntinua negósiu iha Restorante
“Ha’u faluk ida ho oan kiak nain tolu, maka hela iha ne’e fatin ida ne’e harahun tia nune’e ha’u atu ba hamahon iha ne’ebé? tanba ne’e presija tulun no apoiu husi Autoridade seguransa hodi buka ida organiza grupu mai harahun hotu ha’u nia uma, sasán uma laran ne’e hodi prosesu tuir lei,no selu ha’u nia sasán sira ne’e atu ha’u bele negósiu fali”,dehan inan faluk Madalena
Enkuantu Sasán ne’ebé harahun hanesan uma hela ida no Restaorante Lus Carilu, inklui sasán negósiu nian
Jornalista: Pedrolina/Luciana
Editor: Lian Orluli
