Lian Orluli — Sexta-Feira ne’e, Prezidente Autoridade Munisípiu Ainaro Manuela Georgina Bucar Cor-Real Lansa konstrusaun estrada plum concrete kilo metro tolu iha Suku Manutaci.
Projetu ne’e ezekuta husi kompainha Naboles Jelyman Unipesoal Limitada ne’ebé joint venture ho Kompainha Nasionál Kombantentes No Veteranus ne’ebé orsamento 684,224,40 ho distansia 3,6 Km.Estrada ne’e ho nia luan metru 4 no valeta inklui moru protesaun.
Antes hala’o lansamentu konstrusaun ba estrada ho distánsia kilo metru tolu iha suku manutasi lia na’in sira hala’o uluk ritual oho fahi rua no manu aman tolu, hodi husu lisensa ba natureza lulik no lori ran ba kose iha makina pezadu hanesan sinal hodi labele akontese dezastre ba makina duranate servisu.
Prezidente Autoridade Munisípiu Ainaro Manuela Georgina Bucar Corte-Real, agardese ba Ministériu Obras Publika ne’ebé mak konsidera ona proposta estrada husi Suku Manutasi nian,tamba estrada importante tebes ba komunidade sira atu bele asesu ba fasilidade públiku sira.
“Ha’u rekomenda ba ba Kompainha Naboles Jelyman Unipesoal Limitada ne’ebé joint venture ho Kompainha Nasionál Kombantentes No Veteranus atu ezekuta projetu ne’e ho kualidade no termina tuir kontratu ne’ebé asina ona entre governu kompainha“, esplika PAM Manuela Georgina Bucar Corte-Real.(04/04/2025)
Alende ne’e Presidente Autoridade Munisipiu Ainaro, Rekomenda ba Empreja Rua ne’ebé Mak kaer obra refere hanesan Kompanhia Nabones Jeliman Unipesoal Lda. no Veteranus husu atu garante kualidade projeito tenki lao tuir no konsidera dezenho BOQ ne’ebé mak perpara ona husi tekniku obras publik
Jornalista: Elzy/ Celita
Editor: Lian Orluli
