Lian Orluli – Ministériu Komersiu no Indústria hamotuk ho Prezidente Autoridade Munisípio Ainaro observa Rai Poe-kede ne’ebé mak lokaliza iha Postu Administrativu Ainaro ba futuru konstrusaun Merkadu Munisipal
Tekniku DMCI hateten rai Poe-kede ne’e estatéjiku, tanba ne’e husu atu autoridade Munisípio no Terras Propriedades atu aselera lalais dokumentasaun no medida rai, hodi bele submete ba ADN, hodi hare’e estimasaun montante orsamentu, nune’e ekipa tékniku sira bele halo estudu viabilidade
Prezidente Autoridade Munisípio konfirma, Terras Propriedades sei halo levantamento ba rai ne’e hodi submete ba MCI, bele haruka ba ADN , atu prosesu bele la’o ho lalais hodi loke Tenderizasaun ba Kompanha sira. Nune’e kria kondisaun bá Negósiante sira, Alende ne’e Diretor Terras e Propriedades Sublinha nia parte hakarak duni rai Poe-kede tenki harii merkadu Munisipal, tanba Merkadu kuandu harii ona fó Benefisiu ba Komunidade Aldeia 131, Suku 21, Postu Administrativu ha’at iha Munisípio Ainaro
“ami prontu apoiu hodi halo Levantamento no iha tempu badak ami submete ba iha MCI. Hodi haruka ba ADN nune’e bele la’o tuir prosesu” Dehan Prezidente Autoridade Munisípiu Ainaro Manuela Georina Carmo Bucar Corte-Real
Enkuantu iha atividade ne’e partisipa husi Prezidente Autoridade Munisípio Ainaro, Manuela Georgina Carmo Bucar Corte-Real akompanha tekniku DMCI ho ekipa MCI, Diretor Servisu Munisípio Terras e Prioridade, Administradór Postu Administrativu Ainaro, Komandante PNTL, Operasaun Munisipio Ainaro, Reprezenta Diretor MCI Munisípiu Ainaro, Xefe Departamentu Jestaun Merkadu, Xefe Suku Soro, Xefe Suku Manutaci, hala’o Observasaun ba Rai Poe-kede, ne’ebé mak iha futuru hodi harii Merkadu Munisipal.
Jornalista : Sara Lewis
Editor :Lian Orluli
