Lian Orluli (12/04/2025)–Jogu final Kopa Asosiasaun Futebool Ramelau Ainaro Sub 23 Klubu Asu-Fuik mak sai vensedor ba kopa refere
Iha enseramentu jogu refere Diretor Tekniku Gaspar Quintão da Silva Representa Prezidente Federasaun Futebol Timor-Leste, Nilton Telmo Gusmão dos santos husu jogador sira atu kontinua trieñu hodi aumentalentu iha futuru
“Mensajen husi prezidente FFTL hato’o kongratuga ba AF-RAMA ne’ebe susesu tebes, asosiasaun ida ne’e la’o ho di’ak maske iha dezafiu ou problemas oituan maibe bele ultrapasa tanba iha komperasaun di’ak ho parte importante sira iha ainaro bele susesu AF-RAMA cup ida ne’e no ba Jogador sira ne’ebe ohin kampeão lable kampeão deit ohin hotu ona imi nia tempu sei naruk teb-tebes ba ekipa sira ne’ebe lakon kontinua trenu nafatin halo exercisiu, hadia talentu atu nune’e bele diák liu iha futuro.“
Reprezentante manan nain klub Asu-Fuik Olegar Fernando Malik Xavier orguillu ho atividade ne’e tanba sira nia klubu sai vensedor ba kopa ne’e
“Ami klub Asu Fuik orgulho tebes ami bele hetan primero Lugar iha Jogu Kopa AF-RAMA Sub 23 tinan 2025 ida ne’e tamba ho joga ne’ebe de’ak ami bele hétán 1° Lugar e ami garante katak Epoka tuir mai ami nafatin hétán Kampeão hansan ne’e.”
Enkuantu primeru lugar husi klub Asu fuik hetan premiu Montante Orsamento U$ 1.000,00. Segundo lugar,klubu Biskem, montante orsamento U$ 750,00
terceiro lugar ,klub Hatu-Mera ,montante orsamento U$ 500,00 Quarto lugar,klub Mau-Lore,Montante Orsamento U$ 250,00. Atividade ne’e realiza tanba hetan apoiu husi Kompañia Nasional ETO Montante Orsamento $ 6.000 US, no hetan mos apoiu husi Emprejariu balu iha Munisipiu Ainaro.
Jornalista:Elzy
Efitor: Lian orluli
