Lian Orluli-– Komandu PNTL Ainaro apela ba joven sira atu labele hemu tua iha dalan hodi perturva ema nia movimentu iha tempu Paskua
Komandante PNTL munisípiu Ainaro superintendente asistente Luís da Silva informa, hala’o preparasaun seguransa ba iha selebrasaun loron paskoa nian ne’ebé sei koloka membru sira asegura parokia haat no kapela tolu nulu resin lima ne’ebé espalha iha suku rua nulu resin ida iha munisípiu Ainaro.
Luís da silva fundamenta, PNTL sei koloka nia membru hotu iha terrenu hodi asegura sellebrasaun paskoa atu la’o ho hakmatek no husu ba joven sira atu kontribui ba estabilidade no labele hemu iha estrada publiku hodi kria provokasaun ikus mai hasmoru konflitu. Tamba ne’e polísia sei sei la tolera no sei atua hodi nune’e bele grante pas estabilidade iha Ainaro
“Komandu PNTL atu apela ba komunidade hotu ne’ebé sirkula iha munisípiu ainaro, suku rua nulu resin ida. Paskoa momentu importante, tamba sarani katolika selebra loron paskoa nian. Tamba ne’e husu ba komunidade atu kontribui ba pas no estabilidade, labele hemu tua iha dalan no labele uza motor kanu resin hodi gas tun sa’e pertura ordem publika. Bainhira perturba ordem publika PNTL sei atua”,esplika Komandante PNTL munisípiu Ainaro Superintendente Asistente Luís da Silva
Amu Vigáriu Parokia Nosa Señhora Santa Maria Ainaro, Eugenio Redentor Lafu husu ba joven sira atu kontribui ba pas estabilidade tuir moto ainaro ninian roman domin roman dame.
“Figura ne’ebé ema hotu hatene roman domin roman dame, mas ne’e figura letra de;it ona. Loron ita la’os taka liman fó komprementa ema kalan ita subar ita subar tuda malu, ita halo traisaun ba ita nia maluk rasik, ita halo traisaun ba ita nia identidade rasik, ita uza maskra subar a’an iha nakukun”,dehan Amu Vigáriu Ainaro Eugénio Redentór Lafu.
Jornalista : Pedrolina /Lucyana
Editor Lian Orluli
