Lian Orluli– Segunda, 21 Jullu 2025 – Sentru Nasionál Chega! (CNC) ofisialmente apoia konstrusaun “Memória Esperansa,” ka uma memoriál hodi fó onra ba Ana Gabriela de Lima Soares Lemos, nu’udar vítima ida husi violasaun direitus umanus husi tinan 1974–1999, ne’ebé lokaliza iha Suku Soro, Postu Administrativu Ainaro, Munisípiu Ainaro.
Domingos Pinto de Araújo Moniz, Koordenadór Sekretariadu Asosiasaun Nasionál Vítima Era 1974–1999, hatete antes hahú konstrusaun, ekipa hosi CNC hala’o ona levantamentu no envolve iha diálogu diretu ho vítima sira hodi hetan narrativu no nesesidade relevante sira.
“Uma ‘Memória da Esperansa’ ne’e harii iha rai luan metru kuadradu 7×9 ho totál orsamentu USD 14,845,00. Fundu sira ne’e uza tomak ba sosa materiál konstrusaun nian no fornesimentu nesesáriu sira seluk. Projetu ne’e alvu atu remata iha fulan tolu nia laran”. Esplika kordenador Domingos Pinto
Prezidente Autoridade Munisipál Ainaro mós marka prezensa iha serimónia inaugurasaun no hato’o ninia respeitu no apresiasaun ba Ana Gabriela tanba nia firmeza hasoru dékada istória nakukun Moruk nian.
“Ohin, ami iha ne’e hamutuk hodi inagura pasu dahuluk iha konstrusaun uma memoriál dahuluk hodi hanoin no fó onra ba Ana Gabriela nia luta,”dehan PAM Ainaro
vitima Gabriela de Lima agrdese ba CNC konstrui ona uma Memoriá Esperansa ba nia nune’e bele hela ho hakmatek
” Ha’u agrdese tebes ba CNC bele konstrui uma ona ida ne ba ha’u, nune’e bele hela ho hakmatek” dehan Inan feton Gabriela
Entertantu ekipa CNC hamotuk ho Prezidente Autoridade Munisípiu Ainaro maka tau fatuk dauluk ba uma Memoriá esperansa ne’ebé lokaliza iha área bolmeta Suku Soro, postu administrativu Ainaro
jornalista: Sara Lewes
Editor: Clementina Fatima
