Lian Orluli, Ainaro 24/072025–Komunidade Ainaro Orguilho, Aliando reprejenta jogador Ainaro ona iha CPLP 2025 Estadion Dili.
Orgullu no entuziazmu nakonu iha komunidade Ainaro nia leet hafoin sira nia oan-mane di’ak ida, Florindo de Araújo Magno, ne’ebé koñesidu liu ho naran Alindo, hetan selesaun hodi reprezenta ekipa nasionál Timor-Leste iha prestijiadu CPLP 2025 (Comunidade dos Países de Língua Portuguesa). Alindo moris iha Ainaro iha loron 9 Agostu 2009, husi Emanuel de Jesus Magno no Adelia de Araújo Pereira, sira nain rua husi Aldeia Hatumera Ainaro nian. Nia koñesidu hanesan jogadór joven talentu ne’ebé joga hanesan defeza sentrál.
Viajen ba Kareira Alindo, nia iha futeból hahú iha tinan 2022 bainhira nia tama iha Akademia Futeból Juvenil Munisipiu Ainaro. Nia mós joga ba Klube Futeból HAMER, klube lokál ida ne’ebé ativu iha dezenvolvimentu jogadór foin-sa’e sira. Agradese ba nia dezempeñu destakadu iha jogu lokál oioin, Alindo dada atensaun hosi AF-RAMA (Associação de Futebol Ramerlau Munisípiu Ainaro)no hetan selesaun hodi reprezenta Ainaro iha torneiu ida ne’ebé hala’o iha Nasionál Dili. Husi selesaun ne’e, tuir prosesu ne’ebé naruk no kompetitivu ne’ebé organiza hosi MJDAC no FFTL, ikus mai Alindo hetan selesaun hodi joga ba Selesaun Nasionál Timor-Leste, ne’ebé sei kompete iha CPLP, hahú iha loron 19 fulan-jullu tinan 2025.
Realizasaun sira foin lalais ne’e Iha torneiu Copa AF-RAMA Sub-23 2025, Alindo ho nia ekipa hosi Klube HAMER avansa ba meia-finál no hetan terseiru lugar, realiza atividade ida ne’ebé hametin liután nia reputasaun nu’udar perspetiva ida ne’ebé nabilan liu, iha futeból Timor-Leste nian.
Florindo de Araújo Magno koñesidu ho Naran Alindo, Moris iha Ainaro loron 9 Fulan Agostu Tinan 2009, Oan husi Aman Emanuel de Jesus Magno no Inan Adelia de Araújo Pereira, Natural Ainaro Hatumera.
Alindo nu’udar Jogadór husi Munisípiu Ainaro ho Pozisaun Defeza Central ne’ebé mak Selesionadu hodi Reprezenta Timor-Leste hodi Jogo iha Eventu CPLP ne’ebé sei realiza hahu iha Loron ohin 19 fulan Jullu Tinan 2025.
Karreira Jogo nian, Tinan 2022 Alindo hahu treino iha Akademia Futeból Juveníl Munisípiu Ainaro. Alindo mo’s nu’udar Jogadór husi Klubu Futeból HAMER.
Hare ba Performance Jogo ne’ebé mak di’ak, Alindo hetan Selesaun husi AF-RAMA hodi Reprezenta Munisípiu Ainaro ba Jogo iha Rejionál ne’ebé realiza iha Munisípiu Manufahi.
Liu husi Prosesu naruk ne’e konsege lori Alindo ba hetan Selesaun iha Rejionál husi MJDAC no FFTL hodi ba Reprezenta Timor-Leste Jogo iha Eventu CPLP.
Prestasaun, iha COPA AF-RAMA sub-23 2025 Alindo hamutuk ho nia Ekipa konsege Lori Klubu Futeból HAMER ba to Semi-Final no hetan 3° Lugar. Ainaro Orgullu ho Alindo. Sucesso Nafatin, hein Prestasaun sira tuir mai. (Pájina AF-RAMA)
Apoiu Tomak husi Familia no Komunidade Alindo, nia inan-aman espresa sira nia orgullu no agradesimentu ba sira nia oan nia realizasaun. Komunidade Ainaro mós simu notísia ne’e ho ksolok, bolu Alindo nu’udar símbolu esperansa foun ba juventude Ainaro nian.
“Ainaro sente orgullu ho Alindo. Ami dezeja susesu kontinua ba nia, no ami hein katak nia bele lori onra ba Timor-Leste no inspira joven sira seluk,” dehan lideransa komunitáriu Ainaro
Francisco Bianco de Lima,orgguilho ho Alindo, reprezentante joven Ainaro partisipa jogu iha CPLP
“Nu’udar Ainaro ona no husi suku Maununo, liu husi selesaun atu partisipa iha jogu Futebool ba CPLP nian,Senti orgulho tamba ita nian jogador ida husi Ainaro bele hola parte iha ne’ebá” Francisco de Lima atual kordenador eskola 1,2,3 silko Martinho de Araújo, hato’o sentimentu orguilho
Aleinde ne’e nia hatutan, iha eskola 1,2,3 silko Martinho de Araújo,prepara ona kampu iha areadores eskola nian nune’e prepara estudante sira liu husi jogu Futebool, iha futuru mai bele partisipa hanesan Alindo iha jogu CPLP internasionál.
Agora, matan hotu hateke ba Alindo bainhira nia prepara atu hatudu nia abilidade iha palku internasionál. Susesu nafatin, Alindo! Ainaro suporta!!
Jornalista: Ekipa Orluli
Editor: Clementina Fatima
