Lian Orluli, 11 Agostu 2015 –Xefe Suku Suru-Craik hato’o orgullu no apresiasaun kle’an ba Programa Nasionál Dezenvolvimentu Suku (PNDS), ne’ebé implementa iha Munisípiu Ainaro iha tinan 2025.
Nia haktuir katak PNDS fó ona kontribuisaun ne’ebé signifikativu hodi promove dezenvolvimentu suku, tantu iha infraestrutura no hakbi’it komunidade.“Ami sente apresiadu tebes ho Programa PNDS,” nia dehan.
Lideransa komunitariu ne’e subliña mós benefísiu PNDS nian ba komunidade tomak.
“suku tomak sei laiha kbiit hodi halo Dejemvolvimentu iha suku rasik. Programa ne’e ajuda tebes, la’ós de’it iha ha’u nia aldeia, maibé iha aldeia no suku seluk mos,” nia hatete.
Nia hatutan, PNDS presiza rekomenda nafatin ba komunidade nune’e sira bele kolabora ho governu, partikularmente iha implementasaun programa bee moos.
“Komunidade tenke sente katak ita tenke salvaguarda no jere projetu ne’e ho di’ak to’o iha futuru, tanba ida ne’e mós di’ak ba komunidade,” nia akresenta.
Programa PNDS 2025 iha Suru-Craik hein katak sei sai benefisu ba progresu suku no fó moris-di’ak ba rezidente sira iha Munisípiu Ainaro tomak.
Aleinde ne’e, José Maria, joven ida iha aldeia Ria-mori Suku Suru-Craik hateten katak nia sente kontente ho programa PNDS 2025 nian, konstrui ona Picina komunitariu ida iha Bolmeta sai ona hanesan fatin turizmu komunitariu ba komunidade Ainaro
” fatin ne’e sai ona fatin turismu ba ita nia maluk joven sira no komunidade tomak. Agora dadaun ita hare joven barak mak mai husi dader to’o kalan mai haris iha ne’e, entaun fatin ne’e sai ona fatin turismu ba ema hotu.” Dehan abitante José
Entertantu Direitu PNDS Munisípiu Ainaro Joao Paulo De B. C.e C.Araújo Hatutan programa tinan ne’e preoridade liu ba iha estrada no loke dalan foun
“Tinan ida Programa PNDS ne’e nian preoridade liu ba iha Estrada Rehablitasaun no Loke dalan foun inklui bronjong ho totál Orsamentu ba tinan 2025 nian iha Munisípiu $ 629.224,38″ .Diretur PNDS Ainaro hakotu
Jornalista: Pedrolina Da Costa.
Editor: Clementina Fatima
