Lian Orluli- 19,Agosto,2025-— Conceilho Joven Munisípiu Ainaro (CJMA), hato’o preokupasaun ba Prezidente Autoridade Munisípiu Ainaro kona-ba hadi’a sistema orientasaun ba komisaun organizadora iha parte eventual sira iha Munisipiu Ainaro.
Iha nia deklarasaun, avalia katak eventu sira iha Ainaro ladún iha koordenasaun, nune’e nia impaktu ba komunidade nia partisipasaun iha eventu boot sira, tanba serimónia loron FALINTIL ba dala 50, sentralija iha Ainaro.
“Iha eventu serimónia ba loron FALINTIL ne’ebé selebra ba dala 50 ne’esentraliza iha munisípiu Ainaro,partisipasaun masimu liu husi estudante no funsionáriu públiku sira, kona-ba lideransa komunitáriu iha Munisípiu Ainaro me’e kompostu suku 21,husi ne’e balu marka prezensa no balu lae, husi partisipasaun ne’e ita bele nota katak, iha kordenasaun servisu la masimu husi komisaun organijadora, tanba ne’e ita hare iha selebrasaun loron FALINTIL ba dala 50 nian partisipasaun komunidade la masimu, ida ne’e halo ita triste oituan.” Dehan Prezidente Coceilho Joventude Munisípiu Ainaro, Aureliano Valente de Araujo Belo Magno(19/08/2025)
Nia hatutan “Tuir hau nia hare’e ne’e falha husi organija, no meus ida atu organija ne’e oinsa? povu ne’e maioria iha espíritu ida nasionalizmu no patreotizmu, iha momentu sira hanesan ne’e konsidera katak, serimónia nasionál no formal, pelomunus ita tenki iha espritu de kombinensia, atu bele halibur ita nia komunidade sira mai partisipa eventu sira hanesan ne’e. Informasaun ne’ebé hau kolekta katak ba serimónia ne’e orsamentu ne’ebé aloka mai iha munisipiu Ainaro iha $10. mill ne’e orasamentu ida ke boot tebes, foti referensia oituan iha pasadu, konseilho veteranu, organiza feira ida ba semana rua ho deit orsamentu $ 3000, tinan ne’e ita selebra loron FALINTIL nian ho Orasamentu ida ke boot tebes, maibe’e atividade maka halai Maraton, Jogu kultura manufutu, no dansa kultura, inklui seminariu ba estudante sira. Hau nia hanoin aktividade sira ne’e sedauk priense lolos ba aktividade iha momentu sira inportante hanesan ne’e”.
“Eventu sira hanesan Presiza organiza feira ida ne’ebé extra ordinary iha Ainaro, pelumenus tau arkivu istóriku sira iha estan sira, ida ne’e selebrarsaun 50 anus ezistensia FALINTIL nian, tau dokumentu istóriku sira para hatudu ba públiku katak, ida ne’e maka Ainaro nia partisipasaun durante luta ba ukun rasik aan no rekursu Ainaro nian kontribui ba luta ukun rasik aan. Kompara ho munisípiu seluk, Ainaro triste oituan, hanesan Lospalos organiza feira to semana rua,no hau fiar katak orsamentu aloka ba munisípiu sira ho nia valór hanesan, no Autoridade presiza transparan orasamentu nia gastu ba atividade saida?”.dehan Prezidente Konceilho Joventude Munisipiu Ainaro
Nia espera katak governu lokál sei haree fila fali sistema orientasaun no sistema implementasaun iha orientasaun ba eventu nian hodi envolve mós kamada sira ne’ebé iha Munisípiu sai komisaun organizadora iha eventu sira, nune’e iha futuru sei iha benefisiál di’ak liután.
Hatan ba preokupasaun ne’e, Prezidente Autoridade Munisípiu Ainaro Manuel Geoguina Carmo Bucar Corte-Real, afirma katak kestaun ba tempu limitadu no orsamentu aloka tuir atividade ne’ebé priense durante loron tolu hahu husi 17-19. Husi osan $10,000 metade tau ba konsumu.
“Atividade hahu kedas iha loron 17,husi orsamentu ne’e aloka premiu ba mana nain sira, maibe’e laos deit ba mana nain, sira ne’ebé partisipa hetan mos prejenti ida ba sira, prepara mos ai-han FALINTIL nian, husi ne’e atu fo valor ba produtu sira ne’ebé ita nian rasik,sigindu dia halao ho atividades halai maratona aloka mos orsamentu oituan iha ne’ebá, iha mos refleksaun ba estudante sira iha eskola sekundaria Fernado Lasama, aloka mos orsamentu ba iha ne’ebá, tau mos osan oituan, vizita inan kbi’it la’ek ida ne’ebé sai vitima hola parte iha partisipasaun enisia 1975 to 1999, iha area Tamhouk, presta mos omenagen ba martires sira iha Jakarta-II”
Lideransa masimu ne’e dehan tan “ Husi orsamentu ne’e Prepara Ai-han ba membru governu nain tolu ne’ebé atu partisipa serimónia iha Ainaro, maibe’e la konsege mai, ita gastus tia konsumu ba iha ne’ebá, aloka mos orsamentu ba iha parada,tau mos orsamentu ba CCLN, mobiliza aman no inan veteranu sira iha postu atu bele partisipa iha eventu ne’e, nune’e mos ba administrador postu sira, ba mobilijasaun” PAM Klarifika
Maiske nune’e Prezidente Autoridade Munisípiu Ainaro konsidera, preokupasaun sira hotu tau ba iha konsiderasaun.
Jornalista : Ekipa Lian Orluli
Editor: Clementina Fatima
