Lian Orluli, Maubisse, 23 setembru — Prezidente Autoridade Munisípiu Ainaro hala’o enkontru importante ida iha Postu Maubisse hodi ko’alia kona-ba Planu Dezenvolvimentu Munisípiu (PEDM) 2025–2030. Enkontru ne’e hetan partisipasaun hosi ofisiál sira governu Munisípiu nian, reprezentante komunidade sira, no parte interesada estratéjiku oioin.
Iha enkontru ne’e, Prezidente Autoridade Munisípio Ainaro subliña katak PEDM 2025–2030 sei sai referénsia prinsipál iha dezenvolvimentu sustentável, inklui hadi’a infraestrutura, servisu públiku, no hametin setór ekonómiku lokál.
Pontu xave ida ne’ebé rezulta hosi enkontru ne’e maka akordu katak, hafoin Konsellu Konsultivu Munisipál nian (CCM) aprova Planu Estratéjiku Dezenvolvimentu Munisípiu nian (PEDM), esbosu PEDM nian sei liuhusi prosesu konsulta públika ida durante loron 20 nia laran. Mekanizmu ida-ne’e ho intensaun atu fornese ba públiku ho oportunidade ne’ebé luan liu posivel atu fornese input no rekomendasaun sira kona-ba planu dezenvolvimentu Munisipál nian.
“Partisipasaun públika maka krusiál ba PEDM atu hatán duni ba nesesidade rezidente sira nian no dudu progresu sidade nian ne’ebé inkluzivu,” dehan Prezidente Munisípiu Ainaro Manuela Georgina Corte-Real iha nia diskursu.
Administrador Postu Maubisse, Joquim Salsinha Soares hatete, iha postu Maubisse pilar haat importante tebes, maibe’e inportante liu pilar infrastruktura.
“Ita kolaia kona-ba pilar Infrastruktura, Soasial, ekonomi, no agrikultura ne’e inportante hotu, Miabe’e importante liu maka Infrastuktura, tanba bele koresponde ba pilar tolu seluk” Dehan Administrador Postu Maubisse
Ho faze konsulta públika, governu hein katak planu dezenvolvimentu sei sai transparente, responsavel, no aliña ho aspirasaun komunidade nian. Input públiku nian sei sai parteintegrante ida hosi finalizasaun PEDM 2025-2030
Jornalista : Lian Orluli/Rakom Mauloko
Editor : Clementina Fatima
