Lian Orluli, 25 Novembru — Governu, liu hosi Ministériu Obras Públikas, ofisialmente hahú konstrusaun ba Estrada Kassa, liga Munisípiu Ainaro ho Zumalain, Munisípiu Kovalima. Serimónia tau fatuk dahuluk ne’e lidera husi Ministru Obras Públikas, Samuela Marcal, akompaña husi Prezidente Autoridade Munisipiu Ainaro, Manuela Georgina Carmo Bucar Corte-Real no Prezidente Autoridade Kovalima, Miguel Armado Cardoso
Ministru Obras Públikas, Samuel Marcal, subliña importánsia husi fiskalizasaun konjunta ba kada projetu dezenvolvimentu ne’ebé finansia husi orsamentu estadu. Nia fiar katak envolvimentu komunidade maka xave atu asegura rezultadu dezenvolvimentu ho kualidade aas liu.
Iha deskursu,Ministru Samuel Marsal afirma katak kada orsamentu ne’ebé gasta ba projetu infraestrutura sira maka osan povu nian no tenke garante koalidade
“Projetu ne’e osan povu nian. Ha’u husu atu ita hotu atu tau matan ba projetu ne’e karik ita hakarak nia kualidade di’ak, lá’os hare de’it koalidade iha prosesu apovajionamentu”, governante ne’e hatete
Ministru ne’e hatutan tan katak governu kontinua hasa’e transparénsia, inklui fó asesu ba informasaun projetu nian, fasilita relatóriu públiku, no hametin fiskalizasaun internu.
Prezidente Autoridade Munisípiu Ainaro subliña, importánsia hosi konstrusaun estrada nian ba hadi’a mobilidade no moris-di’ak komunidade nian.
“Ami kontente tebes no fó parabéns ba sira, hanesan estrada ne’e importante ba atividade komunidade nian. Tanba ne’e, ami husu ba kompañia ne’ebé jere projetu ne’e atu fasilita no aselera movimentu komunidade hodi asesu ba merkadu. Nune’e mós PAM sei tau matan ba projetu ne’e, la’ós hein de’it husi Obras Públikas,” PAM Ainaro Manuela Georgina Carmo Bucar Corte-Real dehan Lideransa Masimu Ainaro ne’e
PAM Ainaro Hatutan Konstrusaun Estrada Cassa hein atu sai hanesan infraestrutura estratéjiku ne’ebé sei hadi’a konetividade Munisipál, partikularmente entre Ainaro no Kovalima, no habelar asesu ekonómiku ba komunidade lokál.
Nune’e mos PAM Kovalima Miguel Armando Cradosu Agradese ba Governu liu husi Obras Publikas, hahu ona konstruksaun estrda Postu Zumalain liga ba suku Kassa Ainaro, fo grante sei laiha intervensaun no kompania mos atu fo garante ho kualidade
“Obra ne’e hahu ona husu ba komunidade, intelektuais ka veteranu atu labeleiha intervensaun, husi ita hotu fo liman ba malu hodi nune’e obra ne’e bele lalais, ida ne’e maka inportande ba ita no husu ba kompania rua ne’ebe maka mana nain ba obra ne’e atu fo grante ho kualidade, nudar PAM sei nafatin kontrola atu garante iha kolaidade” hatutan PAM Kovalima
Entertantu orsamentu ba projetu ne’e iha miliaun 8, konstrusaun estrada ho pakote rua, iha Pakote ida husi 0,7 kl, sei konstrui husi kompania Coved no pakote ida seluk husi 7-13,086 Kl, sei konstrui husi Kompania Aitula.
Antes hala’o serbisu hahú uluk ho serimonia hatur fatuk dahuluk, hetan partisipasaun husi membru governu, prezidente Autoridade munisípiu Ainaro no Kovalima, diretór jerál sira, xefe departamentu sira, xefe gabinete sira no rezidente sira husi munisípiu rua ne’e.
Prezensa hosi ofisiál governu Obras públiku no rezidente sira hatudu nivel aas hosi antisipasaun ba projetu estrada ida-ne’e, ne’ebé sei sai hanesan ligasaun importante ba atividade sosiál no ekonómika iha Munisípiu. Ho inísiu konstrusaun, governu afirma ninia kompromisu atu kontinua promove dezenvolvimentu infraestrutura nu’udar fundasaun xave ba kreximentu no dezenvolvimentu nasionál ne’ebé ekuitativu.
Ekipa Redasaun
