Lian Orluli 12, marco – Administrador Postu Ainaro,Estrada Remotas ida-ne’e konsidera hanesan krusiál ba mobilidade komunidade nian no apoia planu dezenvolvimentu iha suku Mao-nunu iha futuru.
“Ami agradese ba Maromak tanba ohin ita asegura ona asesu estrada husi Mao-nuno ba Lait,ida ne’e inportante tebes iha future bele tulun komunidade sira ne’ebé iha remotas” dehan Administradór Postu Ainaro Jerry Manuel Magno.
Administrador Postu hatutan katak futuru dezenvolvimentu municipal sei hahú iha suku sira. Tanba ne’e, governu lokál halo ona koordenasaun ho Xefe Suco hodi garante katak konstrusaun estrada husi Mao-nuno to’o iha aldeia sei hetan prioridade.
“Estrada Remotas suku Mao-nunu ‘Lait’ bele hatama iha planeamentu programa PDIM, nune’e loke oportunidade ba apoiu dezenvolvimentu infraestrutura ba komunidade. Foin lalais ne’e, iha enkontru Konsellu Konsultivu nivel Suco, projetu konstrusaun estrada asesu Maununo hetan aprovasaun hanesan prioridade dezenvolvimentu ba Suco. Governu lokál hein katak ho apoiu husi parte oin-oin, konstrusaun estrada asesu ne’e bele realiza lalais no hadi’a bem-estar komunidade iha fatin refere. “Hateten husi Administrador Postu Ainaro Jerry Manuel Magno
Xefe Suco Mao-nunu mos Hatutan katak iha tinan oin, karik proposta ne’e ofisialmente hato’o, sei garante sai hanesan prioridade másimu, espesifikamente hato’o ba Prezidente Autoridade nune’e projetu ne’e bele tama iha lista prioridade dezenvolvimentu.
“Inisiativa Komunidade Maununo Loke Dalan ba Lait Hodi Suporta Atividade Agrikultor sira Komunidade Mao-nuno halo ona inisiativa konjunta hodi loke estrada husi Maununo ba Lait hodi apoiu atividade dezenvolvimentu no fasilita agrikultor sira nia transporte ba produtu agrikultura” Lideransa Komunitariu Suku Mao-nunu dehan.
Atividade loke estrada ne’e hala’o ho kolaborativu husi joven sira no komunidade Mao-nuno. Sira fiar katak asesu estrada krusiál tanba suku Maununo iha area ne’ebé potensia ba setor agrikultura no turismu, enkuantu komunidade agora konsentra iha área remotas liu, ne’ebé presiza transporte ne’ebé fasil nune’e hodi transporta komunidadesira nia produtu lokal ba iha merkado.
Reprezentante komunidade ida hatete katak inisiativa ida-ne’e mosu hosi agrikultór sira-nia nesesidade loloos atu transporta sira-nia produtu ho konfortavel no lalais liu ba fa’an iha merkado.
Durante prosesu ne’e, komunidade mós hato’o pedidu apoiu ba governu. Sira servisu ho xefe administrativu no koordena ho Obras Púbbliku no autoridade relevante sira hodi fó apoiu no rekomendasaun ba konstrusaun estrada.
Komunidade rekoñese katak parte oi-oin servisu maka’as hodi apoiu dezenvolvimentu infraestrutura iha suku ne’e inklui ekipa IGE no Obras Apúblika, ne’ebé kontinua servisu hodi aselera konstrusaun estrada.
komunidade Mao-nuno hato’o apresiasaun ba Prezidente da Repúblika, ne’ebé konsidera konsistentemente akompaña progresu dezenvolvimentu iha rai-laran.
Eventu ne’e mós mensiona atribuisaun sertifikadu rekoñesimentu ba membru komunidade sira ne’ebé partisipa ativu iha atividade serbisu kolaborativu, inklui sira ne’ebé envolve iha eventu 7 Dezembru. Liu husi inisiativa ida ne’e, komunidade Maununo hein katak abertura estrada ba Lait ne’e iha tempu badak sei hetan apoiu tomak governu nian, nune’e bele fasilita asesu transporte ba agrikultór sira no hadia dezenvolvimentu iha suku ne’e..
Jornalista: Elfiana de Orleans
Editor : Clementina Fatima
