Atu hafasil traballador no kandidatu ba programa mobiliariu laboral, 𝐒𝐄𝐅𝐎𝐏𝐄 ofisialmente lansa Portal Trabalhador

Lian Orluli 09/03/2026, Dili-Sekretáriu Estadu ba Formasaun Profisional no Empregu (sigla SEFOPE), Rogério Araújo Mendonça, lansa ofisialmente ba publiku Portal ba Traballador no kandidatu timoroan sira, iha edifisiu City8 Dili

Website (timorleste.pacificlabour.org) Portal ida-ne’e sei fasilita traballadór no kandidatu inklui joven sira ne’ebe iha interese ba servisu iha rai liur atu atualiza dadus ka profile tuir tempu no situasaun iha ida-idak nia fatin rasik, no la difikulta viajen do’ok, no plataforma refere hanesan Biblioteka Digital ida ne’ebé traballadór sira bele aprende materia oi’oin hodi hasa’e kapasidade no abilidade iha komunikasaun ho lian Inglés

“Ohin loron ita la’ós de’it halo lansamentu ba website, maibé ita loke dalan ba digitalizasaun iha programa Mobilidade Laboral, Lansamentu Portal Traballador no Plataforma Aprendizajen ida-ne’e demonstra progresu bo’ot kona-ba oinsá ita apoia ita-nia rekursu importante liu ita-nia povu”, dehan iha diskursu abertura ba portan ne’e iha edifisiu DNEE City8 Dili swgunda ne’e, 09/03/2026

Rekorda fali katak durante ejiste programa Mobilidade laboral hasoru difikuldade oinsa jere baze dadus traballadór ho númeru ne’ebé bo’ot tebes ho deit mekanizmu manual atualiza baze dadus maibe difikulta traballadór no kandidatu inklui joven sira dalaruma viajen do’ok hafoin asesa informasaun no atualiza dadus

Tanba ne’e liu husi plataforma website ne’ebe lensa nu’udar atinjimentu importante ba programa mobilidade laboral hodi hametin jestaun no transparénsia ba oportunidade servisu iha rai liur ba traballadór Timoroan oan no kandidatu sira hotu no reprezenta pasu transformativu ida atu moderniza sistema mobilidade laboral Timor-Leste nian hodi garante traballadór sira bele asesu servisu fasilidade ho transparénsia, lais no fasil

Enkuantu serimónia lansamentu ne’e lansa direta husi Sekretariu Estadu Formasaun Profisional no empregu, akompaina husi reprezentante embaixadora Australia iha Timor-Leste, Diretor Jerál SEFOPE, Diretor Nasionál DNEE, Kordenador ba sistema In-Country Recruitment Database, ekipa Pacific Australia Labour Mobility Support Program, traballadór inklui kadidatu sira

Jornalista: Alves Carvalho
Editor: Clementina Fatima