Lian orluli- 24-06-2022- Asosiasaun Futebol Ramelau Munisípio Ainaro (AFRAMA) kria inisiativu hala’o jogu futebol objetivu komeora loron istória konsulta popular 30 de Agusto 1999.
“Eventu realiza jogu ne’e AFRAMA hetan apoiu husi federasaun FFTL ho objetivu selebra konsulta popular 30 Agostus nune’e mos treinador nasional FFTL hakarak asiste direta talento jogador joven Munisipio Ainaro nian, tamba nia mos hakarak foti joven ne’ebe diak no talentu husi Munisipio Ainaro,’’ dehan prezidente AFRAMA Geovanio iha kampo Futebol iha ámbitu abertura jogu iha kampu futebol Ainaru, sesta (24/06/2022).
Jogu futebol ne’ebé AFRAMA realiza hetan apoiu husi federasaun FFTL, no iha eventu ne’e iha mos prejensa treinador nasional FFTL nian hodi observa direta ba jogador ne’ebe iha talento diak iha munisípio Ainaro.
“Jogu ne’e atu prepara iha futuru oin mai joven sira ne’ebé iha talentu di’ak hodi bele ba kompete iha Nasaun Internasional, tamba ne’e terinador nasional FFTL nian prejensa hodi hare direta tamba hakark mos foti joven husi munisipio Ainaro,’’ hatutan Geovanio.
Iha fatin hanesan responsavel Diretór Tékniku Federasun Futebol FFTL, Gaspar quintão da silva reforsa, FFTL hamutuk ho asosiasaun hamrik objetivu dezenvolve joven sira ne’ebé iha talentu joga nian atu sai di’ak liután liu husi kompetisaun jogu munisipiu .
“ FFTL ho Asosiasaun harmik iha objektivu ida oinsa atu bele dejemvolve joven sira ne’ebe iha talento diak liu no bele avansa ba oin, tamba ne’e FFTL ho Asosiasaun futebool iha Timor laran komitmentu ona atu dejemvolve futebool liu husi kompitisaun sira ne’ebe maka halo jogu iha munisipio sei hetan apoiu husi FFTL, tamba harak halao iha Munisipio Hotu atu poroduj jogador diak joven sira ba selesaun mai husi Munisipio”.dehan Direktur Teknik FFTL Quintaun
Observasaun lian orluli news sita, molok hahu eventu desportu ne’e komisaun organizadora relata orsamentu ne’ebe gastus iha eventu refere ho montante Dolar $ 4.462,50, no 4000 ne’e poiu husi FFTL no Adminisrasaun Munisipio apoiu $200 inklui restu rekolla husi klubu ne’ebe mak rejista.
Editor : Lian Orluli
